Ալեքսեյ Կորտնեւը կորոնավիրուսի պատճառով մնացել է առանց բնակարանի
11:18 17 հունիսի, 2021«Несчастный случай» խմբի առաջնորդ Ալեքսեյ Կորտնեւը կորոնավիրուսի համավարակի պատճառով բախվել է ֆինանսական խնդիրների, ինչի հետեւանքով ստիպված է եղել վաճառել բնակարաններից մեկը, գրում է «Սոբեսեդնիկ»-ը։
Պարբերականի հաղորդմամբ՝ նախքան համավարակի սկսվելն արտիստը հիփոթեքով բնակարան է գնել եւ պարբերաբար կատարել վճարները։ Սակայն COVID-19-ի տարածման սպառնալիքի պատճառով խումբը վեց ամիս ելույթ չի ունեցել, երաժիշտները մնացել են առանց գումարի։ Համերգների բացակայության պատճառով Կորտնեւը չի կարողացել վճարել վարկը։ Նա այն մարել է մեկ այլ բնակարանի վաճառքի միոջոցով։
«Ես վաճառեցի մեկ այլ բնակարան, որը ժամանակին գնել եմ սեւ օրվա համար»,- ասել է Կորտնեւը։
Արտիստը նշել է, որ այդ քայլն իրեն փրկել է բանկին ունեցած պարտքից։ Նա նաեւ տարակուսանք է հայտնել, թե ինչու բանկերը փոխառուների համար բարդ ժամանակներում չեն իջեցրել հիփոթեքների դրույքները, քանի որ շատ մարդիկ զրկվել են գումարից։