Ինչպես է զարգանում Իրինա Շեյքի եւ Քանյե Ուեսթի սիրավեպը

Քանյե Ուեսթի եւ Իրինա Շեյքի ենթադրյալ սիրավեպը թափ է հավաքում: Ռեփերն այլեւս Twitter-ում չի հետեւում իր նախկին կնոջ՝ Քիմ Քարդաշյանի եւ նրա ամբողջ ընտանիքի էջերին, իսկ այժմ հայտնվել են ռուս սուպերմոդելի հետ նրա հարաբերությունների նոր մանրամասները:

Ահա, թե ինչ է պատմել Us Weekly-ի ինսայդերը աստղերի «ամառային սիրավեպի» մասին. «Քանյեն եւ Իրինան այժմ գտնվում են մեղրամիսի մեջ։ Նրանք ավելի ու ավելի շատ են ճանաչում միմյանց, նրանց հաճելի է միասին։ Այս ամենը դեռ լուրջ չէ, բայց նրանք շատ են սիրում միմյանց։ Նրանք դեռ չեն հասել այն կետին, որպեսզի միմյանց ծանոթացնեն իրենց երեխաների հետ։ Դեռ շատ վաղ է դրա համար»։

44-ամյա ռեփերը մտադիր է շուտով կրկին հանդիպել 35-ամյա մոդելի հետ, հայտնել է People-ը: Այս պահին Քանյեն գտնվում է Լոս Անջելեսում, իսկ Իրինան՝ Նյու Յորքում։ «Քանյեի մոտ ամեն ինչ լավ է։ Նա հիանալի ուղեւորություն է ունեցել Ֆրանսիա Իրինայի հետ։ Նրանք շարունակելու են շփվել հեռավորության վրա։ Քանյեն ապրում է Լոս Անջելեսում եւ չի պատրաստվում տեղափոխվել Նյու Յորք։ Նրա երեխաները ապրում են Լոս Անջելեսում։ Նա նաեւ շատ կենտրոնացած է բիզնեսի վրա։ Սակայն, նրա համար հաճելի է ժամանակ անցկացնել Իրինայի հետ, եւ նա նախատեսում է շուտով կրկին հանդիպել նրան։ Նրանք միմյանց ճանաչում են երկար տարիներ եւ շփվել են մասնագիտական հողի վրա։ Քանյեն սկսել է սիրահետել մոդելին մի քանի շաբաթ առաջ։ Նա շատ համառ տղա է։ Նրանք սկսել են միասին ժամանակ անցկացնել Նյու Յորքում՝ նախքան ռեփերի ծննդյան օրը Ֆրանսիա մեկնելը»։

Նշենք, որ The Sun-ի տվյալներով՝ Քանյեն եւ Իրինան չեն շտապում զարգացնել իրենց սիրավեպը, քանի որ նրանք վերջերս են բաժանվել իրենց կեսերից։ Վեց տարվա համատեղ կյանքից հետո Քանյեն ներկայումս ամուսնալուծվում է Քիմից, իսկ Իրինա խզել է հարաբերությունները Բրեդլի Քուփերի հետ, որոնք տեւել են չորս տարի: Աղբյուրը հայտնել է. «Քանյեն կրկին ավելի շատ նման է իր նախկին ինքնությանը։ Լայն ժպիտը վերադարձել է։ Նա Իրինայի հետ ամեն ինչ դանդաղ է անում, եւ նրանք պարզապես վայելում են միմյանց ներկայությունը։ Նրանք շատ ընդհանրություններ ունեն, երկուսն էլ «փողոցից են», նրանք շատ ընդհանուր ծանոթներ ունեն։ Քանյեն այժմ զբաղված է իր երեխաներով, որոնք իր ամբողջ աշխարհն են»։