Ալիսա Վոկսը մտադիր է դատարանի միջոցով 20 միլիոն ռուբլի ստանալ «Лабутены» եւ այլ հիթերի համար
20:18 18 հունիսի, 2021«Լենինգրադ» խմբի նախկին մենակատար, դերասանուհի Ալիսա Վոկսը պատրաստ է «ШнурОК» փակ բաժնետիրական ընկերությունից, «ШнурОК» եւ «Первое музыкальное издательство» սահմանափակ պատասխանատավությամբ ընկերություններից 20 միլիոն ռուբլի պահանջել «Լենինգրադի» կողմից 39 երգերի օգտագործման համար։ Վոկսի ներկայացուցիչները նրան համարում են բոլոր հիթերի հեղինակը, որոնք ձայնագրվել են երգչուհու մասնակցությամբ։
Մինչդական հայցում միանգամից 39 կոմպոզիացիա է նշվում, այդ թվում «Экспонат», «Восхитительно», «Похороны» եւ այն։ Փաստաթղթում նշվում է, որ հեղինակը (կատարողը) «տեղեկատվական գործունեության արդյունքի բացառիկ իրավունք ունի, որը ստեղծվել է ստեղծագորածական աշխատանքի արդյունքում»։ Վոկսի ներկայացուցիչները պնդում են, որ ընկերություններն ու թվային հարթակները «ֆոնոգրամաներն ապօրինաբար օգտագործում են» առանց վարձատրության։ Նշվում է, որ «ապօրինաբար ստացված միջոցների» ընդհանուր գումարը հասնում է 20 միլիոն ռուբլու։
2020թ․-ի նոյեմբերին ռեժիսոր Մաքսիմ Դեմչենկոն դատական հայց է ներկայացրել Ալիսա Վոկսի դեմ, որը բեմադրիչին մեղադրել է սեռական ոտնձգությունների համար։ Նա Վոկսի պահանջներչը սուտ է անվանել եւ բարոյական վնասը գնահատել է 20 միլիոն ռուբլի։
2021թ․-ի հունիսին հայտնի է դարձել նաեւ, Սանկտ Օետերբուրգի բնակչուհին «ВКонтакте» սոցիալական ցանցից եւ Սերգեյ Շնուրովից հազարական ռուբլի է պահանջել «В Питере - пить» երգում անվայելուչ խոսքերի համար։ Կնոջ խոսքով՝ ինքը հայհոյական արտահայտություններ է լսել երաժշտական հարթակն օգտագործելիս եւ կոմպոզիցիան «անորակ բովանդակություն» է համարել։