Լյուբով Ուսպենսկայայի թմրամոլ դուստրը շտապ վիրահատության է ենթարկվել

10:09   20 հունիսի, 2021

Շանսոնի կատարողը պատմել է դստեր վիճակի մասին, որը նախկինում արգելված նյութեր էր օգտագործում։ Պարզվել է, որ Պլակսինան իրեն շատ ավելի լավ է զգում եւ պատրաստվում է նվաճել հայրենական շոու-բիզնեսը։

Երգչուհի Լյուբով Ուսպենսայի 31-ամյա դուստրը կրկին պլաստիկ վիրահատության է ենթարկվել։ Տատյանա Պլակսինան, որին մայրը նախկինում մեղադրել էր արգելված նյութեր օգտագործելու մեջ, մինչ այժմ փորձում է վերականգնվել Կոստա Ռիկայում հեծանիվից անհաջող ընկնելուց հետո: Մոսկվայում գտնվող աղջկան այցելել են Գերմանիայից ժամանած բժիշկները, որոնք էլ վիրահատել են։ Ինչպես պատմել է ինքը՝ «ռուսական շանսոնի թագուհին», այժմ նրա դուստրն իրեն շատ ավելի լավ է զգում, եւ շուտով մենք նրան կտեսնենք միանգամայն այլ տեսքով:

«Դուք շուտով կտեսնեք գեղեցիկ եւ առողջ Տանեչկային։ Այնպիսին, ինչպիսին ես ուզում էի տեսնել ողջ կյանքս։ Տանյան մի քանի լուրջ վիրահատություն է տարել։ Այսօր ամեն ինչ արդեն արված է։ Եւս մեկ շաբաթ, եւ նա կդառնա գեղեցկուհի։ Վերջերս մեզ մոտ էին եկել Գերմանիայից ժամանած շատ լուրջ, պրոֆեսիոնալ բժիշկներ։ Նրանք վերջին վիրահատություններն են իրականացրել։ Հիմա Տանեչկան երջանիկ է», - ասել է Լյուբով Զալմանովնան։

Վերջնականապես վերականգնվելուց հետո Պլակսինան ցանկանում է գնալ մոր հետքերով։ Ուսպենսկայան պնդում է, որ ընտանիքն արդեն գտել է ԱՄՆ-ից մի քանի հայտնի կոմպոզիտորների, որոնք աշխատում են աղջկա երգացանկի վրա: Ընդ որում, արտիստուհու խոսքով՝ մասնագետներն իրենք են սկսել կապ հաստատել աղջկա հետ այն բանից հետո, երբ միկրոբլոգներում հայտնվել է մոր հետ նրա համատեղ ելույթի տեսանյութը:

«Տանյան այնպես է երգում, որ ինձ կգերազանցի։ Սա ես ասում եմ ոչ թե որպես մայր, ով գովում է իր դստերը, այլ որպես երգչուհի: Վերջերս միասին մի քանի համատեղ ելույթներ ենք ունեցել։ Իսկ հիմա ես շատ լուրջ նախագիծ եմ պատրաստում՝ Տանյան այնտեղ երգելու է։ Տատյանա Պլակսինան կհնչի ամենուր», - պնդել է երգչուհին, որի խոսքերը մեջբերում է «Собеседник»-ը։

Աղբյուրը՝ Экспресс газета



© NEWS.am STYLE