«Երբեք չեմ կարողանա ներել ինձ». Այզան Մայամիի հետ հարաբերությունների ընթացքում արհեստականորեն ընդհատել է հղիությունը

Նախորդ տարի Այզա Դոլմատովան բաժանվել է երկրորդ ամուսնուց՝ Դմիտրի Անոխինից։ Բլոգերի խոսքով՝ ամուսնու հետ հարաբերությունները նվաստացնող են եղել։ «Ես ներողություն էի խնդրում, նրան ձեռք մեկնում, իսկ նա դրանց հարվածում էր բռունցքով»,- հիշել է Այազան։

Բաժանումը եւս դժվար է եղել։ Հաղորդավարուհին նախկին ընտրյալին է վերադարձել 13 միլիոն ռուբլի, որը վերջինս ներդրել էր գեղեցկության սրահի համար եւ մնացել առանց գումարի։

Ամուսնուց բաժանվելուց որոշ ժամանակ անց Այզան սիրավեպ է սկսել Օլեգ Մայամիի հետ։ Սիրահարների հարաբերություններն իդեալական էին թվում, սակայն իրականում ամեն ինչ այդպես չէր։ «Օլեգը կարծում էր, թե ես գռեհիկ եմ։ Ինձ չէր կարելի ուրիշ երգեր կատարել, լսել այլ երաժիշտների բացի իրեն»,- ասել է նա։

Երբ Դոլմատովան հղիացել է, գիտակցել է, որ չի ցանկանում Մայամիից երեխա ունենալ։ Հեռուստաաստղի խոսքով՝ ժամանակը համապատասխան չէր։ Նա երկու լուրջ նախագիծ էր պատրաստում, որոնցից հնարավոր չէր հրաժարվել ֆինանսական պատճառներով։ Արդյունքում նա հղիության արհեստական ընդհատման է դիմել, որը լուրջ դեպրեսիա է առաջ բերել։

«Ես գնացել եմ շամանների մոտ, ինձ համար մեդիտացիաнեր են արել, որոնք նախատեսված են երեխա կորցրած կանանց համար։ Ինձ մոտ դեպրեսիա է սկսվել։ Ես չէի ուզում ոչ մի տեղ գնալ, աշխատել ու շփվել։ Օլեգը դեմ էր հղիության ընդհատմանը, նա շատ էր անհանգստանում։ Արդեն մեծ ժամկետ էր՝ երկու ամիս»,- խոստովանել է նա։

Բլոգերը մինչ այժմ կշտամբում է իրեն կայացրած որոշման համար եւ զղջում է կատարվածի համար։ «Ինձ թվում է՝ ես սխալ եմ թույլ տվել։ Ես երբեք չեմ կարողանա ներել ինձ։ Ես շատ եմ ուզում աղջիկ ունենալ, բայց վստահ չեմ, որ արժանի եմ»,- «Premier» առցանց կինոթատրոնի «Исповедь» նախագծի ընթացքում ասել է Այզան։

Ավելի վաղ Դոլմատովան լուր է հայտնել, որը երկրպագուները վաղուց էին սպասում։ Նա որոշել է Գուֆին երկրորդ հնարավորություն տալ եւ վերադառնալ նրա մոտ։