«Դավաճան». Այզան հրապարակել է նամակագրությունը Գուֆի հետ

Օրերս Այզա Դոլմատովան մի քանի աղմկոտ հայտարարություն է արել։ Հեռուստահաղորդավարուհին նախ հայտնել է նախկին ամուսնու եւ ավագ որդու հոր՝ ռեփեր Գուֆի հետ վերամիավորման մասին։ Սակայն ավելի ուշ հայտնի է դարձել, որ Այզան եւ Գուֆը միմյանց չեն հասկացել․ Դոլմատովան երաժիշտին մեղադրել է ստելու համար։ Այժմ արդեն հաղորդավարուհին հուզառատ տեսանյութ է հրապարակել, որում ներառված են նախկին ամուսնու հետ նամակագրությունները։

«Չեմ կարողանում դադարել արտասվել։ Ոչ Լյոշայի պատճառով։ Կարծես ես էի ինչ-որ բան հորինել։ Ինձ համար նողկալի է ու ամոթալի։ Ես երբեք կյանքում հոգեպես այսքան հիվանդ մարդու չեմ տեսել։ Նա ստել է ոչ միայն ինձ, այլեւ իր սիրելիին։ Զղջումս կառուցել եմ միայն Ալեքսեյի եւ նրա շրջապատի խոսքերի հիման վրա։ Հիշեք, եթե մարդը ձեզ վատ բաներ է ասում մյուսների մասին, փաստ է, որ նա վատաբանում է նաեւ ձեզ։

Լյոշա, դու դավաճան ես։ Ստախոս։ Եվ դու անհավանական վատ են վարվել։ Այլեւս երբեք քեզ դա չեմ ների։ Այլեւս չմոտենաս ինձ։ Եվ մենք կապրենք մեր կյանքերով։ Եվ թող այս հիասքանչ բառերով ավարտի այս սարսափելի օրը․ օրը, երբ ես այլեւս երբեք ոչ մի դեպքում բարի չեմ լինի Դոլմատովների ընտանիքի համար։ Բավական է ինձ վերագրել բոլոր մեղքերը։ Գիտեմ, որ ձեզ համար Յուլյան իդեալական է, իսկ ես պարզապես՝ փուչ արարած։ Լավ։ Հաջողություն բոլորին, ովքեր հավատում են դժոխային ստին։ Այս պահից ես Այզան եմ եւ ոչ թե «Գուֆի նախկին կինը»։ Իսկ հիմա նա «Այզայի նախկին ամուսին է»»,- Stories բաժնում գրել է նա։

Այզան Գուֆի հետ ամուսնացել է 2008թ․-ին, 2013թ․-ին նրանց ամուսնությունը փլուզվել է։ Նրանք որդի ունեն՝ Սեմը։ Ռեփերն այժմ հանդիպում է բլոգեր եւ ձեռնարկատեր Յուլյա Կորոլեւայի հետ, իսկ Այզան վերջերս է բաժանվել երաժիշտ Օլեգ Մայամիից։