Բեն Աֆլեքը ցանկանում է Ջենիֆեր Լոպեսին առաջարկություն անել մինչեւ տարվա ավարտը

Ամերիկացի դերասանուհի եւ երգչուհի Ջենիֆեր Լոպեսն ու դերասան Բեն Աֆլեքը ցանկանում են ամուսնանալ երկրորդ անգամ։ Նրանք ծրագրում են դա անել մինչեւ այս տարվա ավարտ, հայտնում է The Sun-ը։ Զույգին մոտ կանգնած աղբյուրը նշում է, որ Աֆլեքը ծրագրում է Լոպեսի հետ ամուսնանալ մինչեւ 2021թ․-ի ավարտը, քանի որ լրջորեն վախենում է նրան կորցնել երկրորդ անգամ։

«Ձեւականորեն նոր հարաբերություններն ընդամենը մի քանի շաբաթ է՝ սկսվել են, սակայն իրականում նրանք սիրավեպը շարունակում են այնտեղից, ուր տարիներ առաջ կանգ էին առել»,- ընդգծել է ինսայդերը։

Սիրահարներն արդեն վաղուց ամեն ինչ գիտեն միմյանց մասին՝ ինչպես լավ, «այնպես էլ վատ ու անճոռնի» կողմերը։ Նրանք զրոյից չեն սկսում, նշել է աղբյուրը։ Ենթադրվում է, որ Աֆլեքը Լոպեսին առաջարկություն կանի հուլիսի 24-ին՝ երգչուհու ծննդյան 52-ամյակին։

Աֆլեքն ու Լոպեսը հանդիպել են 2000-ականներին, դերասանը դեռ այն ժամանակ առաջարկություն է արել երգչուհուն, սակայն հարսանիքը չի կայացել։ 2004թ․-ի հունվարին հայտնի է դարձել, որ նրանց հարաբերությունները փլուզվել են։

Ավելի վաղ հաղորդվում էր, ր արտիստները միասին են անցկացրել հանգիստը Մոնտանայում։ Ապրիլին Լոպեսը չեղարկել է նշանադրությունը բոյսբոլիստ Ալեքս Ռոդրիգեսի հետ, իսկ Աֆլեքը հունվարին բաժանվել է սիրելիից՝ դերասանուհի Անա դե Արմասից։