Երդվյալ ընկերուհիներ․ Քեյթ Միդլթոնը եւ Մեգան Մարքլը վերջ են դրել «պատերազմին»
12:13 11 հուլիսի, 2021Չնայած, որ արքայազն Ուիլյամն ու Հարին դեռ չեն կարողանում ընդհանուր լեզու գտնել, նրանց կանայք, ըստ երեւույթին, հիանալի հարաբերություններ ունեն։ Աղբյուրի խոսքով՝ Մեգան Մարքլը եւ Քեյթ Միդլթոնը կապի մեջ են փոքրիկի՝ Լիլիբեթի ծնվելուց ի վեր:
Այս տարվա հունիսին արքայազն Հարին եւ Մեգանը դուստր են ունեցել, որին տվել են Լիլիբեթ Դիանա անունը՝ ի պատիվ Եղիսաբեթ թագուհու եւ արքայադուստր Դիանայի: Հետագայում Քեյթ Միդլթոնը լրագրողներին ասել է, որ «անհամբեր սպասում է փոքրիկի հետ հանդիպմանը»։
Աղբյուրը US Weekly-ին հայտնել է, որ Լիլիբեթն օգնել է միավորել թագավորական ընտանիքին: Այժմ Մեգանը եւ Քեյթը վերջին նորությունները փոխանակում են մեսիջներով: «Մեգանի եւ Քեյթի միջեւ լարվածությունը նվազել է։ Նրանց հարաբերությունները հիմա շատ ավելի լավ են։ Քեմբրիջի դքսուհին Լիլիբեթի համար նվերներ է ուղարկում», - հայտնել է աղբյուրը։
Հիշեցնենք, որ թագավորական ընտանիքի անդամների հարաբերությունները վատացել են այն բանից հետո, երբ արքայազն Հարին եւ Մեգան Մարքլը հրաժարվել են թագավորական լիազորություններից եւ հեռացել են Մեծ Բրիտանիայից: Կրակի վրա յուղ լցրեց ամուսինների հարցազրույցը Օփրա Ուինֆրիին, որում Մեգանը պատմել է, որ պալատում իրեն նվաստացրել են եւ լացացրել:
Լուսանկարները՝ GettyImages