Երգչուհի Մաքսիմի (իսկական անունը՝ Մարինա Մաքսիմովա) ընկերուհին «Կոմսոմոլսկայա պրավդա»-ի հետ զրույցում պատմել է արտիստի վիճակի վատացման մասին։
«Մարինան կրկին կրիտիկական վիճակում է։ Նա արհեստական կոմայի վիճակում է, միացված է թոքերի արհստական օդափոխության սարքին եւ էքստրակորպորալ մեմբրանային օքսիգենացիայի համակարգին»,- հայտնել է Մաքսիմի ընկերուհին։
«Բժիշկները կրկին համակարգչային տոմոգրաֆիա են արել եւ արյան անալիզ։ Հետազոտությունը ցույց է տվել, որ նրա թոքերում լուրջ թարախա-բորբոքային գործընթաց է։ Ըստ ամենայնի՝ սեպսիս է սկսվել։ Բժիշկներն անում եմ հնարավոր ամեն ինչ՝ նրա վիճակը թեթեւացնելու համար»,- ընդգծել է երգչուհու ընկերուհին։
Կլինիկա ընդունվելուց հետո Մաքսիմի արյան մեջ հակամարմիններ են հայտնաբերվել։ Հնարավոր է՝ վարակը երկրորդ անգամ է վրա հասել։ Բժիշկներն առայժմ զգուշավոր են կանխատեսումների հարցում, սակայն հույս ունեն, որ նա կկարողանա հաղթահարել ծանր հիվանդությունը։