Կաննի կինոփառատոնի գլխավոր մրցանակը՝ «Ոսկե արմավենու ճյուղտ», ստացել է ֆրանսիացի ռեժիսոր Ջուլիա Դյուկորրնոյի «Տիտան» ժապավենը։ Ֆիլմում գլխավոր դերերը կատարել են Վենսան Լինդոնը եւ Ագաթա Ռուսելը։ Ժապավենի պրեմիերան տեղի է ունեցել հուլիսի 13-ին Կաննում։
Գրան պրին արժանացել են իրանցի ռեժիսոր Ասգար Ֆարհադիի «Հերոս» եւ Յոհո Կուոսմանենի «Խցիկ համար վեց» ժապավենները։
Լավագույն ռեժիսոր է դարձել ֆրանսիացի Լեոս Կարակսը («Աննեթ» ֆիլմ)։
Լավագույն դերասանուհի է ճանաչվել նորվեգացի Ռենատե Ռեինսվեն («Աշխարհի վատագույն մարդը»)։
Լավագույն դերասան է ճանաչվել ամերիկացի Կալեբ Լենդրի Ջոնսը («Նիտրամ»)։
Լավագույն սցենարի համար մրցանակ են ստացել Ռյուսուկե Համագուտին եւ Տակամասա Օեն «Նստիր իմ մեքենայի ղեկին» (Ճապոնիա) ֆիլմի համար։
Այն մասին, որ լավագույն ֆիլմ է ճանաչվել «Տիտանը», ժյուրիի նախագահը՝ ամերիկացի ռեժիսոր Սփայք Լին, հայտնել էր ժամանակից շուտ։
Աղբյուրը՝ «Կոմերսանտ»
Լուսանկարը՝Deadline