«Ինձ դժբախտ դարձրեց». ում է նվիրված Բիլի Այլիշի նոր ալբոմը

Բիլի Այլիշն այսօր թողարկել է իր երկրորդ՝ Happier Than Ever ալբոմը, եւ գլխավոր երգը, անշուշտ, ստիպել է երկրպագուներին գաղտնի իմաստներ փնտրել դրանում:

Չնայած 19-ամյա երգչուհին մեծամասամբ գաղտնի է պահել իր անձնական կյանքը, նա որոշ մանրամասներ է բացահայտել «աշխարհը մի քիչ լղոզված է» վավերագրական ֆիլմում (The World ' s a Little Blurry)։ Պարզվում է, Բիլին մոտ մեկ տարի հանդիպել է ռեփեր 7:AMP-ի հետ, որը հայտնի է նաեւ որպես Բրենդով «Քյու» Ադամս անունով։

Գլխավոր թրեքում Բիլին երգում է նախկին հարաբերությունների մասին, եւ երկրպագուները կարծում են, որ դա կապված է Բրենդոնի հետ: «Դու հակառակ բանն ես անում, ինչ խոստացել ես անել / եւ ես ավելի շատ կվախենամ / մի ասա, որ դա անարդար է / դու ակնհայտորեն գիտակցում էիր, որ ինձ դժբախտացրիր: Դու նորից զանգեցիր ինձ հարբած / դու վախեցրել ես ինձ մինչեւ մահ, բայց ես զուր շունչս պահեցի / որովհետեւ դու լսում ես միայն քո հիմար ընկերներին», - հայտարարում է նա երգում։

Բիլին բաժանվել է ռեփերից, քանի որ նրանք «մեկ ալիքի վրա չէին»: Ֆիլմում նա հայտարարել է. «Ես պարզապես երջանիկ չեմ եղել։ Եվ ես չէի ուզում այն, ինչ նա էր ուզում։ Չեմ կարծում, որ դուք այնպիսի հարաբերություններ պետք է ունենաք, երբ մեկը թքած ունի, թե ինչ է ուզում մյուսը։ Կարծում եմ՝ ջանքերն ուղղակի պակասում էին։ Ես բառացիորեն ասել եմ, «Տղա, սերդ չի բավականացնում անգամ, որպեսզի ինքդ քեզ սիրես, դու չես կարող ինձ սիրես»․․․ ես իսկապես սիրում եմ նրան, թեեւ դա բարդացնում է խնդիրը: Քանի որ ես չեմ կարող չսիրել. ես ուրիշ ոչ մեկին չեմ գտել։ Ես չդադարեցի սիրել նրան։ Ես պարզապես մի քիչ ժամանակ անցկացրեցի նրանից հեռու եւ մտածեցի. Ես այնքան շատ եմ կարոտում, քանի որ անընդհատ անհանգստանում եմ քո մասին»։

Վավերագրական ֆիլմում կա նաեւ մի մաս, որտեղ նա մեղադրում է ռեփերին հարբած վարելու համար, ինչպես նշված է վերը նշված երգերի տեքստում. «Ես ցանկանում եմ, որպեսզի լինես ապահով»։

Աղբյուրը՝ PeopleTalk