«Վատ եմ քնել, ծանրություն եմ զգացել». Եվգենի Պետրոսյանի երիտասարդ կինը պատմել է պարտքերի մասին

Եվգենի Պետրոսյանը ռուսական հեռուստատեսության ամենաբարձր վարձատրվող դերասաններից մեկն է։ Իր երկար տարիների կարիերայի ընթացքում նա հսկայական կարողություն է վաստակել, այնպես որ հիմա նրա երիտասարդ կինը՝ Տատյանա Բրուխունովան, կարող է իրեն ոչ մի բանում չմերժել։ 72-ամյա երգիծաբանը սիրում է փայփայել իր 32-ամյա ընտրյալին. միայն վերջերս Մալդիվներում երկշաբաթյա հանգստի համար ամուսինները վճարել են գրեթե 2,5 մլն ռուբլի: Բայց այդպես միշտ չէ, որ եղել է։ Instagram-ում Տատյանան պատմել է, թե որքան դժվար էր իր համար, երբ նա Տուլայից եկել էր Մասկվա սովորելու։

Բրուխունովան ընդունվել է Մոսկվայի մշակույթի եւ արվեստի համալսարան՝ «Մենեջմենթ»-ի ֆակուլտետ։ Երիտասարդ ուսանողուհու փողերը հավերժ պակասում էին, այնպես որ երբեմն ստիպված էր պարտք վերցնել։ Տատյանան խոստովանում է, որ նման պահերին իրեն շատ վատ է զգացել։

Երբ ես սովորել եմ համալսարանում, իսկ օտար քաղաքում չկա մեկը, ով կարող է օգնել, ես պարտքով գումար էի վերցնում ընկերուհիներից: Բայց երբեք չեմ հետաձգել վերադարձը։ Իհարկե, ամենահեշտ բանը ծնողներին զանգահարել եւ գումար խնդրելն էր։ Բայց ինչ իմաստ ունի գնալ օտար քաղաք, այնտեղ կարիերա ստեղծել, եթե  պետք է ծնողներից օգնություն խնդրես։ Ես մեծացել եմ եւ պետք է ինքս ինձ ապահովեմ, - պատմել է Պետրոսյանի կինը։ - Պարտք վերցնելիս շատ վատ եմ քնել։ Ֆիզիկապես ծանրություն էի զգում։ Այն միտքը, որ պետք է ավելի շուտ վերադարձնեմ վերցրածս։

Բայց հիմա Տատյանան կարող է իրեն թույլ տալ մոռանալ այդ ժամանակների մասին։ Նրա ամուսնու հաշիվների վրա միլիոնավոր ռուբլիներ կան, այնպես որ Պետրոսյանի կինը կարող է իրեն թույլ տալ եւ թանկարժեք հանգիստ էկզոտիկ կղզիներում, եւ շքեղ բրենդներից գնումներ կատարել: Տատյանայի հետ ամուսնությունից հետո երգիծաբանը նկատելիորեն երիտասարդացել է, դարձել ձգված, սկսել է ավելի նորաձեւ հագնվել։ Ամուսնու զգեստապահարանին ակնհայտորեն կպել է Տատյանայի ձեռքը։ Պետրոսյանը չի սահմանափակում իր սիրելի կնոջ ծախսերը։

Հիշեցնենք, որ Եվգենի Պետրոսյանն ու Տատյանա Բրուխունովան ծնողներ են դարձել 2020 թվականի մարտին։ Ամուսինները երկար ժամանակ թաքցրել են ժառանգորդի ծնունդը, քանի դեռ երգիծաբանն իր 75-ամյակի օրը Instagram-ում չի պարծեցել վեց ամսական Վահանի լուսանկարով: Պետրոսյանն ու Բրուխունովան ամուսնացել են 2019 թվականի դեկտեմբերին։

Աղբյուրը՝ Комсомольская правда