Դերասան Բիլ Մյուրեյը պատմել է, թե ինչպես է նկարն իրեն փրկել ինքնասպանությունից։ Նրա մասնակցությամբ տեսանյութը վիրուսային է դարձել Twitter-ում։
Bill Murray talks about the painting that stopped him from committing suicide after being asked if there were a moment how art has made a difference in his life. Watch til the end to see the painting. pic.twitter.com/LZzfn0eNrS
— Spence, Todd (@Todd_Spence) August 2, 2021
Արտիստը խոստովանել է, որ իր հայտնիության գագաթնակետին խորը դեպրեսիայի մեջ է եղել եւ մտածել է խեղդվել Միչիգան լճում: Քաղաքում զբոսնելիս նա մտածել է ինքնասպան լինելու մասին եւ հայտնվել Չիկագոյի արվեստի ինստիտուտում: Այնտեղ նա տեսել է Ժյուլ Ադոլֆ Բրետոնի «Արտույտների երգը» կտավը, որտեղ դաշտի մեջտեղում պատկերված է մի կին։
«Ես մտածեցի․ «Դե, կա մի աղջիկ, որն այս կյանքում քիչ հեռանկարներ ունի, բայց արեւը դեռ շողում է, եւ նրա մոտ եւս մեկ շանս է առաջանում»: Ես կարծում եմ, որ դա ինձ ինչ-որ զգացողություն է տվել, որ ես նույնպես մարդ եմ, որը եւս մեկ շանս ունի ամեն անգամ, երբ արեւը բարձրանում է», - ասել է Մյուրեյը։
Բիլ Մյուրեյն ամերիկացի դերասան եւ ռեժիսոր է, «Ոսկե գլոբուս» եւ BAFTA մրցանակների դափնեկիր: