Օգոստոսի պրեմիերաները. արժե գնալ կինոթատրոն
13:15 4 օգոստոսի, 2021«Ինքնասպանների ջոկատ 2»
Որպես օպերատիվ խմբի անդամներ՝ Բել Ռիվ բանտի բանտարկյալները մեկնում են հարավամերիկյան Կորտո Մալթեզե կղզի, որպեսզի ոչնչացնեն Յոթունհեյմը, բանտը եւ լաբորատորիան, որտեղ պահվում էին քաղաքական բանտարկյալները եւ փորձարկումներ էին կատարվում:
Պրեմիերան օգոստոսի 5-ին է:
«Գլխավոր հերոսը»
Խոշոր բանկի աշխատակցի մոտ ամեն ինչ ընթանում է այնպես, ինչպես հարկն է, մինչեւ այն պահը, երբ նա պարզում է, որ իր աշխարհը հսկայական տեսախաղերի մի մասն է, իսկ ինքն ընդամենը երկրորդական կերպար է: Արդյո՞ք նա կունենա այնքան խիզախություն, որպեսզի փոխի իր կոդը, գրավի գեղեցկուհու ուշադրություը եւ, վերջապես, փրկի աշխարհը: Կարճ ասած՝ նա կդառնա՞ գլխավոր հերոս։
Պրեմիերան օգոստոսի 12-ին է:
«Մի՛ շնչիր 2»
Արյունալի ներխուժումից մի քանի տարի անց Նորմանը վերջապես խաղաղվեց և մխիթարություն գտավ, բայց պարզվում է, որ անցյալի մեղքերից այդպես հեշտությամբ չես փախչի։
Պրեմիերան օգոստոսի 12-ին է:
«Փոքրիկ բոսսը 2»
Թիմ և Թեդ եղբայրները վաղուց հասունացել և հեռացել են միմյանցից։ Թեդը դարձել է ներդրումային հիմնադրամի գլխավոր տնօրենը, իսկ Թիմը իրեն նվիրել է կնոջը եւ երկու դուստրերին։ Կրտսեր Թինան իրականում BabyCorp ընկերության գործակալն է։
Իմանալով, որ չար հանճար դոկտոր Էրվին Արմսթրոնգը չար մանուկների մի ամբողջ բանակ է կազմավորում, Թինան իր հոր և հորեղբոր օգնությամբ որոշում է դիմակայել նրան։
Պրեմիերան օգոստոսի 19-ին է:
«Կանաչ ասպետը»
Լեգենդների ու կախարդների ժամանակներում, երբ պատիվն ամենից վեր էր, սըր Հավեյնը ընդունում է խորհրդավոր Կանաչ ասպետի մարտահրավերը։ Այժմ Արթուր թագավորի ժառանգը և Կլոր սեղանի ասպետը պետք է հեռանա Կամելոտից և անիծված երկրներով մեկնի վտանգավոր ուղևորության։
Պրեմիերան օգոստոսի 26-ին է:
Հաճելի դիտում
Նորայր Նազարյան