Գիտեի՞ք արդյոք. «Գալակտիկայի պահապանները. մաս 2». 11 հետաքրքիր փաստ ֆիլմի մասին

12:12   8 օգոստոսի, 2021

NEWS.am STYLE-ը շարունակում է կիսվել հայտնի ֆիլմերի մասին հետաքրքիր փաստերով։ Այսօր կխոսենք Ջեյմս Գանի՝ 2017թ.-ի «Գալակտիկայի պահապանները» ժապավենի մասին։

Եվ այսպես…

1.Ջեյմս Գանը խոստովանել է, որ  ինքն ու Քեւին Ֆայգին  շատ են ցանկացել ֆիլմի էպիզոդիկ դերում նկարահանել Դեւիդ Բոուիին, սակայն 2016 թվականի հունվարի 10-ին երգիչը մահացել է:

2.Չարագործի դերն առաջարկել են Մեթյու Մաքքոնահին, սակայն դերասանը մերժել է առաջարկը։

3.Մեքենան, որով ֆիլմի սկզբում Էգոն ճանապարհորդում է Մերեդիտ Քուիլի հետ,  1978 թ. Ford Mustang II King Cobra է։

4.Առաջին ֆիլմի նկարահանումների ժամանակ Դեյվ Բատիստային 4 ժամ գրիմ են քսել, իսկ երկրորդ ֆիլմի նկարահանումների ժամանակ՝ մեկուկես ժամ։ Գրիմը հանելու համար դերասանը ստիպված էր շոգեբաղնիքում  երկար ժամանակ անցկացնել։

5.Նախնական տիտրերի ժամանակ Գրուտայի պարը՝ շարժման գրավման տեխնոլոգիայի կիրառմամբ, կատարում է ռեժիսոր Ջեյմս Գանը։

6.Էգոյի դերի համար դիտարկվում էին Գարի Օլդմանը, Վիգգո Մորտենսենը, Քրիստոֆ Վալցը, Մաքս ֆոն Սյուդովը եւ Լիամ Նիսոնը, սակայն արդյունքում դերը բաժին հասավ Կուրտ Ռասելին:

7.Ֆիլմի ողջ ընթացքում Գրուտը «Ես Գրուտն եմ» արտահայտությունը ասում է 17 անգամ:

8.Քրիս Փրատի խոսքով՝ սցենարն օգնել է իրեն հաշտվել հոր մահվան հետ։

9.Ֆիլմում Սթեն Լիի կամեոն, որտեղ նա քննարկում է նախորդ արկածները, որոնք ներառում են իր այլ կամեոները Marvel-ի ֆիլմերում, ըստ Քեւին Ֆայգիի՝ հարգանքի տուրք է երկրպագուների հայտնի տեսությանը, որով Լին Marvel-ում տիեզերական արարած է հանդիսանում:

10.Ինչպես պնդում են հատուկ էֆեկտների խմբի ներկայացուցիչները, Էգո կենդանի մոլորակի կերպարի ստեղծման համար օգտագործվել է տրիլիոն պոլիգոլ: Այսպիսով, էգոն դարձել է պատմության մեջ ամենախոշոր հատուկ էֆեկտը։

11.Համաձայն Marvel Studios-ի ավանդույթի՝ ֆիլմը տիտրերից հետո ունի տեսարաններ: Այս ֆիլմում դրանք հինգն են։

Նորայր Նազարյան



© NEWS.am STYLE