Գիտեի՞ք արդյոք. «Քաղցած խաղեր». 11 հետաքրքիր փաստ ֆիլմի մասին

NEWS.am STYLE-ը շարունակում է հետաքրքիր փաստեր ներկայացնել հայտնի ֆիլմերի մասին։ Այսօր կխոսենք Գերի Ռոսի ՝ 2012թ.-ի «Քաղցած խաղեր» ժապավենի մասին։

Եվ այսպես…

1.Ֆիլմը գրող Սյուզան Քոլինզի համանուն վեպի էկրանավորումն է։

2.Քիթնիսի դերի համար դիտարկվում էին Հեյլի Սթայնֆելդը, Էմմա Ռոբերթսը, Սիրշա Ռոնանը, Քլոյա Գրեյս Մորեցը, Էմիլի Բրաունինգը, Շեյլին Վուդլին եւ Կայա Սկոդելարիոն: Ի վերջո, Քիթնիսին մարմնավորելու բախտը վիճակվեց Ջենիֆեր Լոուրենսին։

3.Կոմպոզիտոր Դենի Էլֆմանը լքել է ֆիլմ: Նրա տեղը զբաղեցրել է Ջեյմս Նյուտոն Հովարդը:

4.Բացի Ջոշ Հաթչերսոնից՝ Փիթի դերի հավակնորդներն էին Հանթեր Փերիշը, Լուկաս Թիլը եւ Էվան Փիթերսը:

5.Քանի որ Վուդի Հարելսոնը բուսակեր է, սնվելու տեսարաններում նրա կերպարը՝ Հեյմիթչը, ուտում է միայն միրգ կամ պարզապես խմում է։

6.Ստուդիան Գեյլի դերը Լիամ Հեմսվորթին տալուց առաջ դիտարկում էր դերասաններ Դեւիդ Հենրիին, Ռոբի Ամելանին եւ Դրյու Ռոյանին:

7.Էլիզաբեթ Բենքսը հրաժարվել է Օլիվեր Սթոունի «Առանձնապես վտանգավոր» ֆիլմում նկարահանվելուց, որպեսզի կարողանա նկարահանվել «Քաղցած խաղեր»-ում։

8.Ջենիֆեր Լոուրենսը եւ Լիամ Հեմսվորթը բնական շիկահերներ են, ուստի ստիպված են եղել ներկել իրենց մազերը և դառնալ թխահեր, մինչդեռ Ջոշ Հաթչերսոնը, ընդհակառակը, թխահեր է, բայց իր դերի համար վերածվել է շիկահերի:

9.Երբ Դոնալդ Սազերլենդը պատահաբար «բախվել» է ֆիլմի սցենարին, այն նրան հիշեցրել Է Սթենլի Կուբրիկի «Փառքի արահետները» կինոնկարը: Դերասանը նամակ է գրել ռեժիսոր Գերի Ռոսին ՝ մանրամասն նկարագրելով այն պատճառները, թե ինչու հենց ինքը պետք է մարմնավորի Նախագահ Սնոուի կերպարը:

10.Նկարահանումների ժամանակ Ջենիֆեր Լոուրենսը պատահաբար հարվածել է Ջոշ Հաթչերսոնի գլխին ՝ նոկաուտի ենթարկելով նրան։ Հաթչերսոնի մոտ ուղեղի ցնցում են ախտորոշել։

11.78 մլն դոլար բյուջեով ֆիլմը համաշխարհային վարձույթում հավաքել է 694 մլն դոլար։

Նորայր Նազարյան