Մուլտֆիլմի առաջին մասի հեղինակները որոշել են, որ երկաթը պետք է տաք-տաք ծեծել: Դա է պատճառը, որ նկարահանվել է «Փոքրիկ բոսսի» շարունակությունը:
Ռեժիսորի աթոռին կրկին բազմել է Թոմաս Մաքգրատը, որն այնպիսի նախագծերի հեղինակ է, ինչպիսիք են «Մադագասկարը» եւ «Մեգամոզգը»:
Մուլտֆիլմը պատմում է հասունացած եղբայրների ՝ Թիմի և Թեդի մասին, որոնք հեռացել են միմյանցից։ Թեդը դարձել է ներդրումային հիմնադրամի գլխավոր տնօրենը, իսկ Թիմն իրեն նվիրել է կնոջը եւ երկու դուստրերին։ Կրտսեր Թինան իրականում BabyCorp ընկերության գործակալն է։
Իմանալով, որ չար հանճար դոկտոր Էրվին Արմսթրոնգը չար մանուկների մի ամբողջ բանակ է կազմավորում, Թինան իր հոր և հորեղբոր օգնությամբ որոշում է դիմակայել նրան։
Մուլտֆիլմն առաջացնում է շատ հակասական զգացմունքներ, քանի որ պարզ չէ, թե այն ում է ուղղված:
Մի կողմից՝ փոքր երեխան չի հասկանում գրասենյակի պլանկտոնի, պլանների, հանդիպումների, կարիերայի աճի, պաշտոնանկության եւ նմանատիպ բաների մասին կատակները: Մյուս կողմից՝ ադեկվատ չափահասը կամ ավագ տարիքի երեխան չի ծիծաղի ցածրորակ հումորի վրա։
Ի՞նչն է փոխվել առաջին մասի համեմատ:
Բացարձակապես ոչինչ:
Մուլտֆիլմի 2-րդ մասի մեջ շարունակում են անդրադառնալ ընտանեկան արժեքների թեմային: Երբեմն այդ ամենը հաջողվում է, քանի որ էկրանից եկող խորքային հաղորդագրությունները հիմնականում դրական և ճիշտ են: Խնդիրներն այլ տեղերում են թաքնված:
Սյուժեն՝ որպես ամբողջություն, և հատկապես տեսարանների մեծ մասը գործնականում Օդից վերցրած են. մուլտֆիլմի հեղինակները չկարողացան տրամաբանորեն շարունակել առաջին մասի պատմությունը: Որպես արդյունք՝ նրանք թքում են ավելի վաղ ստեղծված աշխարհի հայեցակարգի վրա, իսկ հանդիսատեսը ստանում է աբսուրդ տեսարան:
Արժե վիզուալ բաղադրիչը համարել ստացված և դրա համար գովաբանել ստեղծագործական խմբին: Այնուամենայնիվ, մուլտֆիլմի լավ պահերը չեն գերազանցում թերությունները:
Ցավալի է, որ առկա ներուժը չօգտագործվեց. չէ՞ որ պարզ է, որ ստեղծողները ցանկանում էին մուլտֆիլմին մի փոքր ստեղծագործականություն ավելացնել: Երբեմն դա նրանց հաջողվում էր, հատկապես այնտեղ, որտեղ կար վիզուալ պատմություն:
Արդյունքում՝ «Փոքրիկ բոսսը 2»-ը, ունենալով ներուժ և հոյակապ գաղափար, կարելի է ասել, որ հաջողված չէ: Ախր հասկանալի է՝ միայն անիմացիոն փորձարարություններ կատարելով՝ հեռու չես գնա...
Հաճելի դիտում
Նորայր Նազարյան