Սոչիում մեկնարկել է «Նոր Ալիք 2021»-ը, որին Հայաստանը ներկայացնում է Սարո Գեւորգյանը

Սոչիում երեկ` օգոստոսի 19-ին, պաշտոնական արարաողությամբ մեկնարկել է «Նոր Ալիք»` երիտասարդ կատարողների ամենամյա մրցույթը, որին այս տարի Հայաստանը ներկայացնում է երգիչ Սարո Գեւորգյանը:

Մրցույթի մեկնարկը տրվել է կարմիր գորգով ու աստղային համերգով, որի ընթացքում ելույթ են ունեցել նաեւ մասնակից երկրների ներկայացուցիչները:

Այսօր մասնակիցներին սպասվում է եւս մեկ ոչ մրցութային համերգ` Դիմա Բիլանի ստեղծագործական երեկոյի շրջանակում: Համերգին ռուսական շոու-բիզնեսի հայտնիներն ու մասնակիցները կներկայացնեն Բիլանի հիթերը: Օրվա «մեղավորը» եւս ելույթ կունենա հանդիսատեսի համար:

«Նոր Ալիք»-ի մրցութային օրերը կկայանան օգոստոսի 21-ին, 22-ին եւ 24-ին: Այս տարի մրցույթին մասնակցում են 9 պետությունների ներկայացուցիչներ:

Լուսանկարները` Սարո Գեւորգյանի Instagram-ից