«Հղիությունը միայնակ է վայելում». ինչպես է Քայլի Ջենները պատրաստվում երկրորդ երեխայի լույս աշխարհ գալուն

12:11   23 օգոստոսի, 2021

Նախօրերին արեւմտյան լրատվամիջոցները գրում էին, որ 24-ամյա Քայլի Ջենները եւ 30-ամյա Թրեւիս Սքոթը երկրորդ անգամ ծնողներ կդառնան։ Ու թեեւ զույգը դեռ հայտարարություններ չի արել, նրանց մոտ կանգած աղբյուրներն արդեն մանրամասներ են հայտնում մամուլին։

Մի մասն ասում է, որ Քայլին արդեն վաղուց էր հիղություն ծրագրում, այդ պատճառով հիմա արդեն վայելում է կարգավիճակը: «Քայլիի որովայնն արդեն տեսանելի է: Նա շատ ուրախ է, որ ինքն ու Թրեւիսը երեխա են ունենալու: Նրա մոտ հիանալի է ստացվում մայր լինելը»,- Hollywood Life-ին հայտնել է աղբյուրը: Մյուսները պնդում են, որ Ջենները ժամանակն անցկացնում է միայնակ: E!-ի աղբյուրը հայտնում է, որ Քայլին «արդեն իրեր է գնում եւ նոր մանկական սենյակ կահավորում»:

Ի դեպ, ինսայդերները հայտնում են, որ աստղը ծրագրում է երեխաների հետ ապրել Բեւեռելի Հիզլի իր առանձնատանը, սակայն Թրեւիսը հույս ունի, որ իրենք կկարողանան ընդհանուր տուն ձեռք բերել։ «Թրեւիսը ցանկանում է ավելի շատ մասնակցել իր երեխաների կյանքին։ Հիմա նրանց մոտ ամեն ինչ կարգին է, եւ նրանք միասին շատ երջանիկ են»,- ասել է People-ի աղբյուրը։

Ի դեպ, Քայլի Ջեններն ու Թրեւիս Աքոթը վերամիավորվել են այս տարվա մայիսին երկարատեւ բաժանումից հետո։ TMZ-ն հայտնել է, որ Քայլին եւ Թրեւիսը բաց հարաբերություններ ունեին․ դա նշանակում է, որ նրանցից յուրաքանչյուրը շարունակել է զուգահեռ այլ մարդկանց հետ հանդիպել։ Նրանք դաստիարակում են դստերը՝ Սթորմիին, որը փետրվարին 3 տարեկան է դարձել։

Աղբյուրը՝ Peopletalk



© NEWS.am STYLE