Արքայազն Հարին եւ Մեգան Մարքլը կհնչեցնեն թագավորական ընտանիքի ռասիստի անունը
14:11 27 օգոստոսի, 2021Արքայազն Հարին եւ Մեգան Մարքլը կարող են անվանել թագավորական ընտանիքի անդամի անունը, ով հարցրել է Սասեքսի դքսուհու առաջին հղիության ժամանակ իրենց ապագա երեխայի մաշկի երանգի մասին: Այս մասին հայտնում է Daily Mail-ը։
Օփրա Ուինֆրիին տված սկանդալային հարցազրույցի հրապարակումից ի վեր համացանցում ակտիվորեն քննարկվում է, թե ով է, այնուամենայնիվ, թագավորական ընտանիքի ռասիստը։ Հրատարակության տեղեկատվության համաձայն՝ այդ մասին ասված է թագավորական կենսագիրներ Օմիդ Սքոբիի եւ Քեթրին Դյուրանդի «Ազատության որոնումներում» գրքի վերջին տարբերակում, որը նվիրված է Հարիին եւ Մեգանին, այն կհրապարակեն հաջորդ շաբաթ: Կայքը ծանոթացել է գրքի նոր վերջաբանին, որը հայտնվել է համացանցում։ Դրանում կհնչեն մի քանի սենսացիոն հայտարարություններ։
«Նրանք կշռադատել են բոլոր հնարավոր հետեւանքները, որպեսզի կիսվեն այդ դետալով։ Մեգանը, ի վերջո, Օփրային ասել է, որ այդ մարդու անձի բացահայտումը շատ վնասակար կլինի նրանց համար», – ասել են Սասեքսի դուքսերի կենսագիրները: