«Շնորհավոր ինձ, որ ունեմ քեզ․․․ 16 տարվա իմ երջանկություն»․ Դիանա Գրիգորյանի շնորհավորանքը դստերը
15:33 29 օգոստոսի, 2021Սցենարիստ, պրոդյուսեր Դիանա Գրիգորյանը նոր լուսանկար է հրապարակել, որում պատկերված է նրա դուստրը։
Իր Instagram-ում տեղադրված կադրին կից Դիանան շնորհավորել է դստեր տարեդարձը՝ գրելով․ «Տարիներն անցնում են ու տարիների հետ ավելի արժևորելով կյանքդ հասկանում ես, որ չնայած «գունատ» իրականության, դու կաս, դու ապրում ես, քանի որ կան նրանք, ովքեր ապրեցնում են, իրենց լույս ծնունդով լուսավորում կյանքդ, փոխում աչքիդ լույսը՝ դարձնելով առավել պայծառ: Իմ Ալլան այսօր արդեն բոլորելով իր 16-ը, ոչ միայն իմ կյանքի մեծագույն պարգևն է, այլ այն վառ լույսը, որի ներքո ես ապրում եմ, ապրելու եմ: Աղջիկս բարի լինի ծնունդդ, քո մարդ տեսակի, որակի մասին չեմ ուզում խոսել, քեզ ճանաչողները գիտեն այդ մասին, ուզում եմ, որ միշտ զգաս Աստծո ներկայությունը, միշտ ապավինես Տիրոջը և Տիրոջ լուսավոր ու ապահով ճամփով քայլես։ Անշուշտ հեռավորությունը խեղդում է, բայց քո ներկայությունն ամեն վայրկյան իմ մեջ է, ինչն էլ ապրեցնում է ինձ։ Շնորհավոր ինձ, որ ունեմ Քեզ։ Արդեն 16 տարվա իմ երջանկություն»։
Ավելի վաղ տեղադրված կադրում Դիանան կրում էր ուսերը բաց, սպիտակ գույնի բլուզ։ Նրա գեղեցիկ հարդարված մազերն արձակված էին, նախապատվությունը տվել էր նուրբ շպարին։ Հրապարակումը նա չէր մեկնաբանել, սակայն հետեւորդները բազմաթիվ դրական խոսքեր էին գրել․ «Մարդ, ով միավորում է կյանքն ու իրականությունը»։