«Կյանքիս լավագույն ընկերը»․ Աննա Դովլաթյանի եւ ամուսնու ջերմ գրկախառնությունը Մալդիվյան կղզիներից
14:32 30 օգոստոսի, 2021Դերասանուհի Աննա Դովլաթյանը, ով ամուսնու եւ դստեր հետ ընտանեկան հանգիստն է անցկացնում Մալդիվյան կղզիներում, պարբերաբար նոր լուսանկարներ եւ տեսանյութեր է հրապարակում։
Ինստագրամյան էջում տեղադրված նոր կադրերում ամուսնական զույգը ջերմ գրկախառնված է։ Աննան կրում է սպիտակ զգեստ։ Նրա մազերն արձակված են, առանց շպարի է։ Նա գեղեցիկ ծաղիկ է ամրացրել վարսերին։ Ընտանեկան ջերմ կադրին կից Աննան գրել է․ «Կյանքիս լավագույն ընկերը»։
Ավելի վաղ տեղադրված կադրերում ամուսնական զույգը համբուրվում էր։ Աննան կրում էր սեւ հագուստ, որը մեջքի ու որովայնի հատվածում հետաքրքիր բացվածքներ ուներ։ Երգչուհու մազերը հավաքված էին։ Սիրառատ հրապարակմանը կից նա գրել էր․ «Շնորհավոր ամուսնության 3-ամյակը»։ Նրա հետեւորդները բազմաթիվ բարեմաղթանքներ էին ուղղել զույգին եւ դրական մեկնաբանություններ կատարել։