Ամերիկացի հայտնի դերասան ու պրոդյուսեր Ռիչարդ Գիրն այսօր՝ օգոստոսի 31-ին, նշում է ծննդյան 72-ամյակը: Իր կինոկարիերան Գիրը սկսել է 1970-ականներին՝ սկզբնական շրջանում մարմնավորելով երկրորդական դերերի, եւ միայն 1980 թ-ին է ստացել իր ճակատագրական դերը, որը դերասանին դարձրել է ոչ միայն հայտնի, այլեւ՝ ցանկալի: Խոսքն American Gigolo ֆիլմի մասին է, որից հետո Գիրին սկսեցին անվանել սեքս խորհրդանիշ:
Դերասանի մասնակցությամբ ամենահայտնի ֆիլմերն են՝ «Սիրունիկը», «Փախչող հարսնացուն», «Սպան ու ջենտլմենը», «Չիկագո», «Ես այնտեղ չեմ» եւ այլն:
Գիրն ստացել է ոլորտում մի շարք հեղինակավոր մրցանակներ, որոնց շարքում է «Ոսկե Գլոբուսը», որին դերասանն արժանացել է օսկարակիր՝ «Չիկագո» մյուզիքլում իր դերի համար:
Ձեր ուշադրությանն ենք ներկայացնում Ռիչարդ Գիրի՝ տարբեր ժամանակահատվածներում արտահայտած մտքերից մի քանիսը:
«Բարությունը միշտ ստանում է պատասխան»:
«Ես ժամանակի զգացողություն չունեմ. ես երազկոտ եմ»:
«Կարծում եմ՝ կյանքը ինքնաճանաչողության քննություն է, եւ սա մի ճանապարհորդություն է, որով բոլորս ենք անցնում»:
«Մարդիկ չեն հասկանում, թե ինչ է երջանկությունը, այդպիսով յուրաքանչյուրը միայն գիտի, թե ինչն է իրեն ավելի ուրախ դարձնում եւ, որպես կանոն, դա երբեք չի արդարացնում սպասելիքները»:
«Այն ամենը, ինչ տարածվում է մտքովդ ու սրտովդ, երջանկություն է, բայց դա վերջնական նպատակ չէ»:
«Ես չեմ ճանաչում մեկին, որը բացարձակ ազնիվ է հարաբերությունների մեջ: Այդպիսի բան գոյություն չունի»:
«Չեմ կարծում, թե քաջությունը մաշկի ներսում է: Այն էմոցիոնալ կարիքը ներկայացնելու կամային դրսեւորումն է»:
«Ես իմ նախկին ընկերուհիներից շատերի հետ եմ պահպանել ջերմ ընկերական հարաբերություններ»:
«Իրականում ցանկացած դերասան ունի միայն մեկ դեր. մեր առաջադրանքն է գտնել, թե որն է այդ դերը»:
«Մենք բոլորս ունենք ընդհանրություն՝ բարության ու համբերատարության գնահատումը, որը հատուկ է բոլոր կրոններին: Մենք բոլորս թեքվում ենք դեպի սերը»:
Լուսանկարները՝ Getty Images, PA