Սեպտեմբերի պրեմիերաները. արժե գնալ կինոթատրոն
12:12 1 սեպտեմբերի, 2021«Շան-Չին եւ տասն օղակների լեգենդը»
Մարտարվեստի վարպետ Շան-Չիին վիճակված է դիմակայել իր իսկ անցյալի ուրվականներին, հատկապես երբ նա ներքաշվում է «10 օղակներ» միավորման սարդոստայնում։
Պրեմիերան սեպտեմբերի 2-ին է:
«Հետո։ Գլուխ 3»
Գրավիչ ապստամբ Հարդինի հետ հանդիպումը Թեսսայի կյանքը բաժանեց 2 փուլի՝ «առաջ» եւ «հետո»: Նրանց ճակատագրերը կարծես կապված են, բայց Թեսսան կանգնած է բարդ ընտրության առջև՝ ընդունե՞լ երազած աշխատանքի առաջարկը, թե՞ Հարդինի հետ Լոնդոն տեղափոխվել:
Պրեմիերան սեպտեմբերի 2-ին է:
«Դյունա»
Հայտնի Աթրեյդես տան ժառանգորդը Փոլը ընտանիքի հետ մեկնում է Արակիս, որը տիեզերքի ամենավտանգավոր մոլորակներից մեկն է։ Այստեղ ոչինչ չկա, բացի ավազից, կիզիչ արեւից, հսկա հրեշներից ... եւ միջգալակտիկ հակամարտությունների հիմնական պատճառ հանդիսացող աներեւակայելի արժեքավոր ռեսուրսից, որը կոչվում է մելանժ: Իշխանության զավթման արդյունքում Փոլը ստիպված է փախչել եւ թաքնվել, ինչն էլ դառնում է նրա էպիկական ճանապարհորդության սկիզբը:
Պրեմիերան սեպտեմբերի 16-ին է:
«Մահանալու ժամանակը չէ»
Ջեյմս Բոնդը թողնում է աշխատանքը Միացյալ Թագավորության գաղտնի հետախուզական ծառայությունում և վայելում խաղաղ կյանքը Ջամայկայում։ Նրա հին ընկեր Ֆելիքս Լեյթերը Կենտրոնական հետախուզական վարչությունից անհայտ կորած գիտնականի որոնման համար օգնություն է խնդրում։ Գիտնականի փրկության առաջադրանքը շատ ավելի բարդ է լինում, քան Բոնդը պատկերացնում էր։
Պրեմիերան սեպտեմբերի 30-ին է:
Նորայր Նազարյան