Էստրադային երգիչ Ֆիլիպ Կիրկորովը երեկույթներից մեկի ընթացքում հայտարարել է, որ փակել է մանկական տոներ կազմակերպող ընկերությունը, որը ռուսական փոփի արքային մեծ եկամուտ էր բերում, հայտնում է StarHit-ը։
Դստեր՝ Ալլա-Վիկտորյայի եւ որդու՝ Մարտինի լույս աշխարհ գալուց հետո «Phill Party» կազմակերպությունը մի քանի տարի աղմկոտ երեկույթներ էր կազմակերպում հիմնականում շոու-բիզնեսի աստղերի եւ նրանց երեխաների համար։
«Նախկին տնօրենի հետ, որը զբաղվում էր այդ նախագծով, պայմանագիրս ավարտվել է, այդ պատճառով այն այլեւս գոյություն չունի»,- հայտնել է Կիրկորովը։
Սա երգչի միակ բիզնեսը չէ․ Մոսկվայում, օրինակ, աշխատում է նրա «ФилармониЯ» կարաոկե-ակումբը։