Դերասանուհի Ջենիֆեր Էնիսթոնը թողարկել է «LolaVie» անվանումով իր բյութի ապրանքանիշը։ Աստղը ներկայացնել է շարքի առաջին ապրանքը՝ սփրեյ մազերի համար, որն օգնում է հարթեցնել խճճվող մազերը, ինչպես նաեւ փայլ է հաղորդում ու պաշտպանում վնասվածքներից։ Արտադրանքը չի թեստավորվել կենդանիների վրա եւ գերազանցապես բուսական բաղադրիչներ է պարունակում։
«LolaVie»-ի գրանցման հայտը ներկայացվել է 2019թ․-ին։ Նախատեսվում էր ապրանքանիշի ներքո դեմքի եւ մարմնի համար լոսյոններ, լոգանքի գելեր, մոմեր եւ մազերի խնամքի միջոցներ թողարկել։ Առայժմ հայտնի չէ ընկերության հստակ նմուշակազմը։