Հայտնի երգչուհու նման երկվորյակ քույրերը բողոքել են նրա երկրպագուների սպառնալիքներից

Կանադական Օնտարիո նահանգի երկվորյակ քույրերը, որոնք նման են երգչուհի Արիան Գրանդեի, բողոքել են նրա երկրպագուների սպառնալիքներից: Իրենց պատմությամբ նրանք կիսվել են LADBible-ի հետ։

20-ամյա Մաքքեննան եւ Թեյլոր Փաթերսոն-Հոլը սկսել են իրենց տեսանյութերը համացանցում տեղադրել դեռեւս հինգ տարի առաջ, սակայն 2019 թվականից նրանք սկսել են նմանակել հայտնի երգչուհու ոճին: Քույրերն այնքան նման են փոփ աստղին, որ նորաձեւության բրենդները նրանց առաջարկել են մասնակցել գովազդային արշավներին։

Աղջիկները կարծում են, որ չեն կրկնօրինակում կատարողի ոճը, այլ միայն ոգեշնչվում են: «Շատերն ասում էին, որ մենք շատ նման ենք Արիանա Գրանդեին, չնայած մեզ թվում է, որ նմանությունն այնքան էլ մեծ չէ», - պատմել է Թեյլորը:

Սակայն, չնայած այն հանգամանքին, որ Մաքքենան ու Թեյլորը հավատարիմ երկրպագուներ ունեն, երգչուհու երկրպագուները քննադատել են աղջիկներին իրենց կուռքը կրկնօրինակելու համար։ «Արիանա Գրանդեի որոշ երկրպագուներ ատում են մեզ։ Նրանք սպառնում են մեզ հաշվեհարդարով եւ փորձում են ապացուցել, որ մենք սխալ ենք», - ասել է Թեյլորը։

Քույրերը պատմել են, որ զարմացած են իրենց տեսանյութերին նման «թունավոր» արձագանքից, քանի որ ոչ մեկին չեն վնասում, այլ այն, թե ինչպիսի տեսք ունեն իրենց անձնական գործն է: Թեյլորը հավելել է, որ միակ կոսմետիկան, որից օգտվում են Գրանդեին ավելի նմանվելու համար, տոնային կրեմն է, քանի որ նրանք ունեն շատ թեթեւ մաշկ:

Աղբյուրը՝ Lenta.ru