Հինգ անթույլատրելի սխալ հարաբերություններում

Ձեր ուշադրության ենք ներկայացնում այն հինգ անթույլատրելի սխալները, որոնք կարող են խորտակել ձեր հարաբերությունները։

1. Նույնությամբ շարունակվելու սկզբունք

Սխալ է մտածել, որ եթե դուք միասին եք, ուրեմն այդպես էլ շարունակվելու է ամբողջ կյանքի ընթացքում։ Բացեք ձեր աչքերը։ Այս կյանքում ամեն ինչ ծնվում եւ մահանում է, կամ աճում եւ վերափոխվում է մեկ այլ երեւույթի։ Նույն էլ կատարվում է հարաբերությունների դեպքում, քանի որ զգացմունքները կարող են ժամանակի ընթացքում զարգանալ եւ վերածվել մեծ սիրո, կամ մարել ու վերջ դնել ձեր հարաբերություններին։

2. Շաքարի սկզբունք

Հարաբերություններում կինն ու տղամարդը չպետք է լիովին տրվեն միմյանց։ Նրանցից ամեն մեկը պետք է ունենա  իր անձնական կյանքը, հետաքրքրությունները, ցանկությունները, երազանքները եւ այլն։ Այլապես հետագայում ասելու եք. «Ես քեզ նվիրեցի իմ կյանքի լավագույն տարիները, իսկ դու...»։

3. Սառելու սկզբունք

Եթե ձեր հարաբերությունները մնացել են նույն փուլում, եւ դուք կորցրել եք ձեր ընդհանուր հետաքրքրությունները, ուրեմն հավատացած եղեք, որ միշտ կգտնվեն մարդիկ, որոնք կգերազանցեն ձեզ այս հարցում։

4. Ծանրաքարի սկզբունքը

Իսկապես սխալ է, երբ կինը կամ տղամարդը զրկում է դիմացինին անձնական կյանք ունենալու հնարավորությունից։ Զուգընկերներից ամեն մեկը պետք է ապրի իր սեփական կյանքով, ոչ՝ հանուն հարաբերությունների։ Եթե դուք չեք կարողանում համատեղել անձնական կյանքն ու հարաբերությունները, ուրեմն արդյո՞ք պետք է ձեզ այդպիսի զուգընկեր։

5. «Ամեն մեկն իր համար» սկզբունք

Սխալ է նաեւ ապրել «ամեն մեկն իր համար» սկզբունքով։ Զուգընկերները միմյանց կապվում են զգայական, ինտելեկտուալ եւ ֆիզիկական առումներով։ Մտածեք, թե դրանցից որն է ավելի կարեւոր, եւ որն ավելի պակաս էական նշանակություն ունի ձեր հարաբերություններում։

Աղբյուրը՝ Creu