«Թքած ունեմ». Լոլիտան պարզաբանել է, թե ինչու է թողել հիվանդ դստերը

20:06   21 սեպտեմբերի, 2021

Երգչուհի Լոլիտա Միլյավսկայան իրեն հիանալի մայր է համարում, թեեւ հարազատ դստերը՝ Եվային նա չէ մեծացրել։ Աղջկա մոտ առողջական լուրջ խնդիրներ են ախտորոշվել, եւ երգչուհին դստերը Կիեւ է ուղարկել՝ տատիկի մոտ։

Երկար տարիներ երկրպագուները կարծում էին, թե Լոլիտայի դուստրը Դաունի համախտանիշով է ծնվել, սակայն երգրչուհին հերքել է այդ լուրերը՝ հայտարարելով, որ բժիշկներն այլ հիվանդություն են ախտորոշել՝ Ասպերգերի համախտանիշ։ Այժմ Միլյավսկայան որոշել է պարզաբանել, թե ինչու է Եվային թողել սեփական մոր դաստիարակությանը։

«Հականուններ» շոուի ընթացքում երգչուհին խոստովանել է, որ իրեն մինչ այժմ եղադրում են, որ ինքն իր կյանքը չի նվիրել սեփական դստերը, անվանում են անպետք մայր, սակայն ինքն ուշադրություն չի դարձնում դրանց։ Նրա խոսքով՝ ինքն այլ ելք պարզապես չի ունեցել։

«Չէի կարողերեխային ինձ հետ շրջագայությունների տանել՝ սպանելով նրա նյարդային համակարգն ու ստամոքսը։ Մայրս լավ աղջիկ է մեծացրել, եւ մենք միասին շատ խնդիրներ ու հիվանդություններ ենք հաղթահարել։ Բայց եթե ես գումար չաշխատեի, մենք ոչինչ չէինք հաղթահարի։ Թքած ունեմ հանրային կարծիքի վրա։ Ես դրան առհասարակ չեմ արձագանքում, ես թքած ունեմ»,- հայտարարել է Լոլիտա Միլյավսկայան։

Մի անգամ երգչուհին սեփական դստերը թողնելու համար մեղադրել է դերասան Եվգենի Միրոնովի մայրը։ Միլյավսկայայի խոսքով՝ այդ ժամանակ բառերն իրեն շատ են խոցել, սակայն նշանավոր դերասանի նկատմամբ հարգանքից դրդված ինքը ոչինչ չի պատասխանել կնոջը, թեեւ շատ է ցանկացել նրան գրողի ծոցն ուղարկել։



© NEWS.am STYLE