Մահացել է գեղանկարիչ Վեսմիր Գրիգորյանը
11:07 22 սեպտեմբերի, 2021Մահացել է Հայաստանի նկարիչների միության անդամ, գեղանկարիչ Վեսմիր Գրիգորյանը: Այս մասին հայտնում է միության ֆեյսբուքյան էջը։
Գրիգորյանը ծնվել է 1961թ. սեպտեմբերի 20-ին Արցախում: Սովորել է Երևանի Փ.Թերլեմեզյանի անվան գեղարվեստի ուսումնարանում: 1988թ․-ից Հայաստանի նկարիչների միության անդամ է: Նրա բազմաթիվ նկարներ գտնվում են Երեւանի ժամանակակից արվեստի թանգարանում, ՀՀ մշակույթի նախարարության ֆոնդում, Հայաստանի նկարիչների միությունում, Ռուսաստանի, Գերմանիայի, Ֆրանսիայի, Լեհաստանի, ԱՄՆ-ի, Հոլանդիայի եւ այլ երկրների մասնավոր հավաքածուներում: