Ումա Թուրմանը խոստովանել է, որ սարսափելի քայլի է դիմել

14:11   22 սեպտեմբերի, 2021

Հոլիվուդյան դերասանուհի Ումա Թուրմանը պաշտպանել է կանանց՝ պատմելով, թե ինչի միջով է ստիպված եղել անցնել՝ որոշելով դեռահասության տարիքում հղիության արհեստական ընդհատման դիմել։ «Սպանել Բիլին» ֆիլմի աստղը հայտարարություն է արել Տեխասում հղիության ընդհատման արգելման ֆոնին։

51-ամյա կինոսաստղը պատմել է իր փորձառության մասին՝ հայտարարելով, որ մինչ այժմ դա իր «ամենամութ գաղտնիքն է» եղել։ Ուման, որը դերասանուհու կարիերա է սկսել 15 տարեկանում, 20 տարեկանում հղիացել է իրենից տարիքով մեծ տղամարդուց։ Նա միջոցներ չի ունեցել՝ միայնակ մեծացնելու երեխային։ Այդ ժամանակ նա չի կարողացել կայուն կյանք ապահովել նույնիսկ իր համար։ Խորհրդակցելով ծնողների հետ՝ նա որոշել է հղիության արհեստական ընդհատման դիմել, թեեւ սիրտը կոտրված է եղել։

«Ես հիասքանչ երեխաներիս լույս աշխարհ եմ բերել տղամարդկանցից, որոնց սիրել եմ եւ որոնց բավարար վստահել եմ՝ համարձակություն ունենալու համար երեխային այս աշխարհ վերել։ Չեմ զղջում անցածս ճանապարհի մասին։ Ես ծափահարում եմ ու աջակցում կանանց, որոնք այլ ընտրություն են կատարում։ Հղիության արհեստական ընդհատումը, որը կատարել եմ դեռահասության տարիքում, իմ կյանքի ամենաբարդ որոշումն է եղել, որն ինձ այդ ժամանակ ցավ է պատճառել եւ տխրեցնում է մինչ այժմ։ Սակայն դա ճանապարհ էր դեպի կյանք, որը լի է ուրախության ու սիրով, որը հիմա ես ունեմ։ Վաղ հղիությունը չպահպանելու որոշումն ինձ թույլ է տվել մեծանալ եւ մայր դառնալ, որպիսին ես ցնկանում էի եւ պետք է լինեի»,- գրել է «Քրեական ընթերցվածք» ֆիլմի աստղը։



© NEWS.am STYLE