Հայտնի է, թե ինչպես է «Կաղամարի խաղը» սերիալն ազդել հագուստի վաճառքի վրա
13:43 8 հոկտեմբերի, 2021Netflix-ով ցուցադրվող հարավկորեական «Կաղամարի խաղը» սերիալը երկրների մեծամասնությունում գլխավորել է հարթակի դիտումների ցանկը։ Մարդիկ սկսել են մասսայաբար հագուստ գնել, որը նման է սերիալի հերոսների կրած հագուստին։
Բրիտանական Lyst հարթակի հաղորդմամբ՝ սպիտակ մարզակոշիկների պահանջարկն աճել է 97 տոկոսով, իսկ Vans զույգի պահանջարկը, որը կրում են սերիալի հերոսները՝ 7,800 տոկոսով։ Amazon-ում գնում են նաեւ կանաչ եւ սպիտակ սպորտային կոստյումներ։ Սոցիալական ցանցերում կատակում են, որ այդ հագուստը կդառնա ամենատարածվածը 2021թ.-ի Հելոուինի ընթացքում։
