COVID-19-ից մահացել է «Ծառայողական սիրավեպ» ֆիլմի դերասանուհին
18:46 11 հոկտեմբերի, 202177 տարեկանում մահացել է Կինոյի եւ թատրոնի խորհրդային դերասանուհին Լյուդմիլա Կուպինան։ Այդ մասին հայտնում է «Վեչերնյյա Մոսկվան»՝ վկայակոչելով նրա քրոջ՝ Տատյանա Սիդրենկոյին։
Մահվան պատճառը կորոնավիրուսային վարակն է։ Ընդ որում, Սիդորենկոն պարբերականի հետ զրույցում նշել է, որ քրոջ մահն անսպասելի է եղել եւ վաղաժամ։
«Վերջին տարիներին նա երկու երկրում էր ապրում՝ Բուլղարիայում եւ Ռուսաստանում։ Բացարձակապես առողջ էր»,- պատմել է Տատյանան։
Դերասանուհուն հրաժեշտ կտան հոկտեմբերի 12-ին Խովանսկի գերեզմանատանը։
Լյուդմիլա Կուպինան էպիզոդիկ դերեր է կատարել ավելի քան 20 ֆիլմում։ Նա մասնավորապես նկարահանվել է «Ծառայողական սիրավեպ», «Ես քեզ երբեք չեմ մոռանա» ֆիլմերում, ինչպես նաեւ «Մշտական կանչ» սերիալում։ Դերասանուհին 1968թ.-ի «Տրեմբիտա» երաժշտական կատակերգությունում կատարել է գլխավոր դերերից մեկը․ ժապավենը նկարահանել է ռեժիսոր Օլեգ Նիկոլաեւսկը։
Լուսանկարը՝ «Տրեմբիտա»