86 տարի առաջ այս օրը՝ հոտեմբերի 12-ին, ծնվել է աշխարհի ամենահայտնի ու հաջողակ տենորներից մեկը՝ իտալացի օպերային երգիչ Լուչանո Պավարոտտին:
Պլասիդո Դոմինգոյի եւ Խոսե Կարերասի հետ Պավարոտտին համարվել է երեք ամենահզոր տենորներից մեկը: Նա հայտնի է դարձել իր համերգների եւ մեդիա ելույթների շնորհիվ: Պավարոտտին յուրահատուկ էր նաեւ նրանով, որ ներգրավվել էր, նույնիսկ, փոփ երաժշտության մեջ՝ այդպիսով սեր ու ճանաչում վայելելով տարբեր երաժշտական ճաշակ ունեցող մարդկանց շրջանում:
Լուչանո Պավարոտտին մահացել է 2007 թ-ի սեպտեմբերի 6-ին՝ ենթաստամոքսային գեղձի քաղցկեղից:
Այսօր՝ նրա ծննդյան առթիվ, վերհիշել ենք մեծն երաժիշտի հայտնի մտքերից մի քանիսը:
«Օպերան արվեստի ամենակարեւոր ճյուղերից է: Այն պետք է լսեն ու գնահատեն բոլորը»:
«Երաժշտությունը կարդալով սովորելը նման է օնլայն սիրով զբաղվելուն»:
«Երբ երեխաները վաղ տարիքից չեն ծանոթանում երաժշտությանը, ասես ինչ-որ կարեւոր բան է նրանցից վերցվում»:
«Ես փորձում եմ լինել հնարավորինս ավելի լավը: Ես պայքարում եմ իմ, ոչ թե ուրիշների դեմ»:
«Ինձ համար երաժշտություն ստեղծելը ցանկացած էմոցիայի ամենակատարյալ արտահայտումն է»:
«Պավարոտտի կոչվելը ոչ միշտ է առավելություն»:
«Ավելի լավ ձայն ունենալը չի նշանակում, թե դու ավելի լավ երգիչ ես»:
«Երաժշտություն լսելու համար ուղեղ հարկավոր չէ»:
«Ես պերֆեկցիոնիստ եմ ու միշտ կարծում եմ, որ կարող եմ անել ավելի լավ, քան արել եմ, անգամ, երբ մի բան, իսկապես, լավ է ստացվում»:
«Ինչո՞ւ պետք է լինի էլիտար երաժշտություն: Կներեք, բայց երաժշտությունը պետք է բոլորի համար լինի»:
Աղբյուրը՝ Brainy Quote
Լուսանկարը՝ Sara Krulwich/The New York Times