Երգչուհի Լիլիթ Հովհաննիսյանն ընտանեկան նոր լուսանկար է հրապարակել, որում պատկերված է նորածին որդու հետ։
Իր միկրոբլոգում տեղադրված կադրում նորաթուխ մայրիկը ջերմ գրկել է փոքրիկին։ Իսկ հրապարակմանը կից նա բացահայտել է փոքրիկի յուրօրինակ անունն ու մանրամասնել դրա բացատրությունը։
«Յան Վահրամի Պետրոսյան
Երեխայիս անվանեցինք Յան երկու հիմնական պատճառով.
1) Յանը մեր ազգանունների վերջին մասնիկն է, որն անմիջապես վկայում է մեր հայ լինելու մասին։
2) Յան եբրայերեն նշանակում է God is gracious` Աստված ողորմած է։
Աղոթում եմ Աստծուն, որ ողորմած գտնվի բոլոր հայ երեխաների հանդեպ` պարգևելով նրանց առողջություն ու խաղաղություն», - գրել է Լիլիթ Հովհաննիսյանը։
Հիշեցնենք, որ երեկ երգչուհին իր Ինստագրամյան էջում հայտնել էր իր եւ երգահան, պրոդյուսեր Վահրամ Պետրոսյանի առաջնեկի լույս աշխարհ գալու մասին։