Հինգ պատճառ, թե ինչու դու նորից հագնելու բան չունես

1․ Քո զգեստապահարանում բազմաթիվ նույնատիպ շորեր կան

Նույնիսկ եթե հագուստի որոշակի մոդելներ քեզ ավելի շատ են սազում, միեւնույն է, այդ տեսակի մեկ- երկու հագուստը բավական է։ Եթե քո զգեստապահարանում կա 10 նույնատիպ սպիտակ շապիկ, ապա զարմանալի չէ, որ դու արագ կհոգնես դրանցից։ Ձգտիր ավելի բազմազան լինել։

2․ Դու էքստրեմալ իրեր ես գնում

Տրամադրության ազդեցության տակ դու անընդհատ գնում ես կաշվե կարմիր մինի- կիսաշրջազգեստներ, վառ գույնի կարճափեշ զգեստներ ու արտառոց տակերով կոշիկ։ Այդ ամենը, իհարկե, վատ չէ, բայց վստա՞հ ես, որ նման բաներ հագնելու համարձակություն կունենաս։ Գնելով որեւէ իր՝ ձգտիր միանգամից պատկերացնել, թե երբ ու ինչ հանգամանքներում ես դու այն հագնելու ու ինչի հետ ես համադրելու։

3․ Դու չգիտես՝ ինչպես համադրել տարբեր հագուստները

Դու բազմաթիվ գեղեցիկ շորեր ունես, բայց չես կարողանում հագնել դրանք մի պարզ պատճառով՝ դրանց համադրությունը գեղեցիկ չի ստացվում։ Այդ մասին հագուստը գնելուց առաջ է պետք մտածել: Հերթական բլուզը գնելու փոխարեն ավելի նպատակահարմար է գնել կիսաշրջազգեստ, որը կսազի ձեր ունեցած բլուզներից մեկին։

4․ Դու հին հագուստը պահելու սովորություն ունես

Քո սիրելի ջինսե տաբատը, որը 10-րդ դասարանում ես հագել, գուցե դեռ վատ տեսք չունի, բայց այն վաղուց արդեն իր դարն ապրել է։ Մանավանդ, եթե դու դժվարությամբ ես «մտնում» դրա մեջ։ Ազատվի՛ր հին իրերից, տեղ ազատիր նոր հագուստի համար։

5․ Դու շատ քիչ դասական հագուստ ունես

Թրենդը թրենդ, բայց դասական հագուստ միշտ պետք է ունենալ։ Քո զգեստապահարանում անպայման պետք է լինեն հագուստի մի քանի բազային տեսակներ։ Վստահ եղիր, որ դրանք միշտ կիրառում կունենան։

Աղբյուրը՝ Creu