Բրեժնեւան եւ Մելաձեն 900 հազար դոլարով բնակարան են գնել Կիեւում

20:19   23 հոկտեմբերի, 2021

Պրոդյուսեր Կոնստանտին Մելաձեն եւ նրա կինը` երգչուհի Վերա Բրեժնեւան, Կիեւի կենտրոնում նոր բնակարան են ձեռք բերել: Այն արժե 900 հազար դոլար (ավելի քան 63 մլն ռուբլի)։

LIVE հեռուստաալիքի տվյալներով՝ 206 քառակուսի մետր մակերեսով բնակարանն ապակյա Skyline աշտարակում է գտնվում։ Համալիրն ունի իր գրադարանը, մարզասրահը, բանակցությունների սենյակը եւ սրճարանը։

Նաեւ պարզվել է, որ Մելաձեն ունի վեց բնակարան։ Բրեժնեւան ունի բնակարան 80 քառակուսի մետր մակերեսով, հինգ սենյականոց բնակարան՝ ավելի քան 100 քառակուսի մետր մակերեսով եւ երկու առեւտրային տարածքներ։ Այս Ամբողջ գույքը գնահատվում է երկու միլիոն դոլար:



© NEWS.am STYLE