Նարեկ Հախնազարյանն այցելել է Հայրենիքի պաշտպանի վերականգնողական կենտրոն
17:14 26 հոկտեմբերի, 2021Այսօր Հայրենիքի պաշտպանի վերականգնողական կենտրոն էր այցելել անվանի թավջութակահար Նարեկ Հախնազարյանը: Այս մասին հայտնում է Երեւանի պետական բժշկական համալսարանի աշխատակազմի ղեկավար Շուշան Դանիելյանը։
ՀՀ վաստակավոր արտիստը, ԵՊԲՀ ռեկտոր Արմեն Մուրադյանի եւ վերականգնողական կենտրոնի տնօրեն Հայկուհի Մինասյանի ուղեկցությամբ շրջելով Զինվորի տան տարածքում, ծանոթացավ կենտրոնի հնարավորություններին եւ առկա բուժսարքավորումներին:
ԵՊԲՀ ռեկտոր Արմեն Մուրադյանը ներկայացրեց կենտրոնի պատմությունը, առաքելությունը, խոսեց զինծառայողների առօրյայից, նրանց կամքի ուժի եւ ամենօրյա ջանքերի մասին:
Նարեկ Հախնազարյանը շուտափույթ ապաքինում մաղթեց վերականգնողական կենտրոնում բուժում ստացող տղաներին:
Գլխավոր լուսանկարը՝ Զինվորի տուն վերականգնողական կենտրոնի ֆեյսբուքյան էջից