Ամերիկացի երգիչ Ջոն Բոն Ջովին վարակվել է կորոնավիրուսով, ինչի պատճառով ստիպված է եղել չեղարկել Bon Jovi խմբի կազմում իր ելույթը։ Այն պետք է տեղի ունենար Ֆլորիդա նահանգի Մայամի Բիչ քաղաքում։ Այս մասին հայտնում է WSVN հեռուստաալիքի կայքը։
Jon Bon Jovi cancels Miami concert. Tested positive for COVID according to staff. @jonbonjovi @wsvn pic.twitter.com/Hrvn7ETEwG
— Jessica Holly (@JhollyW) October 30, 2021
Հրապարակման մեջ նշվում է, որ համերգից առաջ հայտարարվել է, որ 59-ամյա երաժիշտը կորոնավիրուսի թեստի դրական պատասխան է ստացել եւ ելույթ չի ունենա, թեեւ «իրեն լավ է զգում»: Bon Jovi խմբի մյուս մասնակիցների թեստերը բացասական են եղել, ճշտում է հեռուստաալիքը:
Variety պարբերականին տված հարցազրույցում Բոն Ջովիի ներկայացուցիչը հաստատել է երաժշտի դրական թեստը եւ ընդգծել, որ նա «ամբողջովին պատվաստված էր»:
Աղբյուրը՝ Gazeta.ru
Լուսանկարը՝ GettyImages