Ռուս դերասան Վալերի Գարկալինին շտապ վիրահատել են Կոմունարկայի հիվանդանոցում, հայտնում է «Կոմսոմոլսկայա պրավդա»-ն։
Մի քանի օր առաջ 67-ամյա դերասանի մոտ սպոնտան պնեւմոթորաքս է տեղի ունեցել՝ օդի կուտակում կրծքավանդակում։ Այն սկսել է ճնշել Գարկալինի թոքերը։ Դերասանը ծայրահեղ ծանր վիճակում է։ Բժիշկները շտապ միջամտություն կատարելու մասին որոշում են կայացրել։
«Կրծքավանդակի հատվածում փոքր կտրվածք է արվել, որի միջոցով դրենաժային խողովակ է դրվել պլեւրալ խոռոցում։ Դրենաժը միացրել են հատուկ սարքի, որը հանել է կրքավանդակում կուտակված օդը»,- վիրահատության մանրամասների մասին պատմել է պարբերականի աղբյուրը։
67-ամյա Գարկալինին հոսպիտալացրել են հոկտեմբերի 2-ին, կորոնավիրուսի թեստի պատասխանը դրական է եղել։ Դերասանի վիճակն արագորեն վատանում էր, ավելի ուշ նրան վերակենդանացման բաժանմունք են տեղափոխել։ Տղամարդու հիվանդությունը զարգանում է սրտի հետ կապված քրոնիկ հիվանդությունների ֆոնին։
Լուսանկարը՝ Դմիտրի Վորոնցով/«ՏԱՍՍ»