HBO Max սթրիմինգային ծառայությունը ներկայացրել է «Սեքսը մեծ քաղաքում» սերիալի սփին-օֆֆի առաջին թրեյլերը «And Just Like That…»:
Թրեյլերում հայտարարվել է նաեւ նախագծի պրեմիերայի ամսաթիվը՝ դեկտեմբերի 9-ը, փոխանցում է Gazeta.ru-ն։
Թրեյլերում հայտնվում են օրիգինալ սերիալի հերոսուհիներ Քերի Բրեդշոուն (Սառա Ջեսիկա Փարկեր), Շարլոտա Յորքը (Քրիստին Դեւիս) եւ Միրանդա Հոբսը (Սինտիա Նիքսոն): Կանայք պատրաստվում են ճաշել միասին։
Թրեյլերում կարելի է տեսնել նաեւ Քերիի լավագույն ընկեր Սթենֆորդ Բլեթչին․ կերպար, որը կերտել է վերջերս մահացած դերասան Ուիլի Գարսոնը։