Երգչուհի Ադելը բացատրել է, թե ինչպես է նիհարելն օգնել իրեն հաղթահարել ամուսնալուծությունը

Բրիտանացի երգչուհի Ադելը պատմել է, թե ինչպես է իրեն հաջողվել հաղթահարել գործարար Սայմոն Քոնեքիի հետ ծանր ամուսնալուծությունը: Երգչուհին խոստովանել է, որ նիհարելն օգնել է իրեն հաղթահարել կյանքի դժվարին շրջանը։

Երկրպագուները ուշադրություն են դարձրել, որ ամուսնուց բաժանվելուց հետո Ադելը արմատապես վերափոխվել է եւ նիհարել։ Երգչուհին Rolling Stone ամսագրի հետ զրույցում բացատրել է, որ հենց նոր կերպարի վրա աշխատելն է օգնել իրեն հաղթահարել ծանր ապրումները:

«Եթե ես կարողանամ վերափոխել իմ ուժն ու իմ մարմինը, ես, անկասկած, կկարողանամ դա անել նաեւ իմ զգացմունքների, իմ ուղեղի եւ իմ ներքին երջանկության հետ։ Դա ինձ առաջ էր մղում։ Այդ շրջանը պարզապես համընկել է այն ամբողջ հուզական աշխատանքի հետ, որը ես անցկացրել եմ ինձ հետ», - բացատրել է երգչուհին։

Ադելի խոսքով՝ ոչ ինքը, ոչ իր նախկին ամուսինը մեղավոր չեն ամուսնալուծության համար։ Երգչուհին կարծում է, որ պարզապես շտապել է ամուսնանալ, այդ պատճառով էլ իրեն երջանիկ չի զգացել ընտանեկան կյանքում։ Սակայն ամուսնուց բաժանվելուց հետո երգչուհին որոշ ժամանակ դատարկություն է զգացել եւ կարծել է, որ չի կարողացել հաջողությամբ կատարել կնոջ դերը։

Ադելն ու Քոնեքին ամուսնացել են 2017 թվականին՝ իրենց որդու ծնվելուց գրեթե հինգ տարի անց։ Երգչուհին ամուսնուց բաժանվելու մասին հայտարարել է հարսանիքից մոտ երկու տարի անց:

Աղբյուրը՝ ФАН

Լուսանկարը՝ Theo Wenner/Rolling Stone