«Այս անգամ աղջիկ կլինի»․ Բրիթնի Սփիրսը մտածում է երրորդ երեխա ունենալու մասին
19:11 17 նոյեմբերի, 2021Երգչուհի Բրիթնի Սփիրսն ինստագրամյան էջում հրապարակում է արել, որում պատմել է երրորդ անգամ մայր դառնալու ծրագրերի մասին։
Նա լուսանկար է հրապարակել, որում փոքրիկ երեխայի ոտքեր են պատկերված։ «Ես մտածում եմ եւս մեկ երեխայի լույս աշխարհ բերելու մասին։ Գուցե այս անգամ աղջիկ լինի։ Նա արդեն ոտքի մատների վրա է կանգնած, ձգտում է ինչ-որ բանի»,- գրել է Բրիթնին։
View this post on Instagram
Սփիրսը երկու որդի ունի, որոնք լույս աշխարհ են եկել Քեւին Ֆեդերլայնի հետ ամուսնության ընթացքում։
Բացի այդ՝ երգչուհին տեսաուղերձ է հրապարակել, որում շնորհակալություն է հայտնել #FreeBritney շարժմանը՝ հոր խնամակալությունից ազատվելու գործում օգնության համար։ Այս ամռանը հայտարարելով խնամակալությունից ազատվելու անհրաժեշտության մասին՝ Բրիթնի Սփիրսը նշել էր, որ ցանկանում է ամուսնանալ ընկերոջ՝ Սեմ Ասգարիի հետ եւ նրան երեխա պարգեւել։
2021թ․-ի նոյեմբերի 13-ին Լոս Անջելեսի դատարանը պաշտոնապես դադարեցրել է Սփիրսի նկատմամբ հոր խնամակալությունը, որը շարունակվում էր 13 տարի։ Աստղը պնդում էր, որ Ջեյմին սահմանափակել է իր շփման շրջանակը, ստիպել աշխատել, ուժեղ ազդեցություն ունեցող դեղամիտջող ընդունել եւ թույլ չի տվել հղիանալ։
Լուսանկարը՝ Getty Images