NEWS.am STYLE-ը շարունակում է հետաքրքիր փաստեր ներկայացնել հանրահայտ տարբեր ֆիլմերի մասին։ Այսօր խոսքը Ջոն Վուիի՝ «Առաքելությունն անիրագործելի է 2» (2000թ.) ֆիլմի մասին է:
Եվ այսպես.
1.Ֆիլմի շարունակության ռեժիսորական աթոռին Բրայան դե Պալմային փոխարինեց Ջոն Վուն։
2.Ֆիլմի առաջին տարբերակն ուներ երեքուկես ժամ խրոնոմետրաժ։ Paramount Pictures-ի պնդմամբ ֆիլմը կրճատվեց մինչև երկու ժամ։
3.Ժայռամագլցման հայտնի տեսարանը նկարահանվել է Յուտայի Dead Horse Point-ում: Թոմ Քրուզը եղել է մալուխների վրա, որոնք մոնտաժի ժամանակ հանվել են։
4.Ֆիլմն ի սկզբանե ստացել է R (17+) վարկանիշ, սակայն բռնության տեսարանները զգալիորեն կրճատելուց հետո վերագնահատվել է որպես PG-13 (13+):
5.Սա առաջին ֆիլմն է, որի համար Metallica խումբը երբևէ համաձայնել է երգ գրել:
6.Թոմ Քրուզը խաբել է ֆիլմի ապահովագրական գործակալներին՝ ասելով, որ թույլ կտա անձնակազմին զբաղվել բոլոր հիմնական գործողություններով: Իրականությունն այն է, Քրուզը կատարել է իր հնարքների մոտ իննսունհինգ տոկոսը:
7.Էնթոնի Հոփքինսի կերպարը միակն էր, ով օգտագործում է «Առաքելությունն անհնարին է» արտահայտությունը։
8.Ջոն Վուն այս ֆիլմում օգտագործեց թռչող աղավնիներ, ինչպես դա արել էր «Առանց դեմքի» ֆիլմում։
9.Թոմ Քրուզը մոտոցիկլետը վարում էր կրակի միջով ՝ առանց հակահրդեհային պաշտպանության միջոցներ օգտագործելու։
10.Սցենարի սկզբնական տարբերակը ներառում էր այսպիսի տեսարան. Հանթը ու Հոլը, զրուցելով պարզում էին իրենց նոր հարաբերությունները: Սակայն Ջոն Վուն մտածեց, որ դա չափազանց ձանձրալի է, և փոխարենը ընտրեց հեռախոսազանգը մեքենայի հետապնդման ժամանակ:
11.125 միլիոն դոլար բյուջեով ֆիլմը համաշխարհային վարձույթում հավաքել է 546 մլն դոլար։ Այն 2000 թվականի ամենաշատ եկամուտ ստացած ֆիլմն է։
Նորայր Նազարյան