Օլգա Սերյաբկինան առաջին անգամ մայր է դարձել
11:35 22 նոյեմբերի, 2021Ռուս երգչուհի, «Սերեբրո» խմբի նախկին մենակատար Օլգա Սերյաբկինան առաջին անգամ մայր է դարձել։ Ծնվել է նրա որդին՝ Լուկան։ Երեխայի լույս աշխարհ գալու մասին Սերյաբկինան հայտնել է իր ինստագրամյան էջում։
«Սերեբրո» խմբի նախկին մենակատարը սոցիալական ցանցում նորածին որդու հետ երկու լուսանկար է հրապարակել։ Տղան լույս աշխարհ է եկել նոյեմբերի 20-ին։
View this post on Instagram
2020թ․-պի վերջին երգչուհին ամուսնացել է գործարար Գեորգի Նաչկեբիայի հետ։ Նա նախկինում աշխատել է «MALFA» ապրանքանիշում, որը պատկանում էր արտիստի համերգային պրոդյուսեր Մաքսիմ Ֆադեեւին։
Երգչուհին հղիության մասին առաջին անգամ հայտնել է աշնանը Tatler-ին տված հարցազրույցում։ Օլգան խոստովանել է, որ իր հղիությունը միեւնույն ժամանակ երկար սպասված էր ու անսպասելի։