«Փշաքաղվում եմ». 15 տարվա թշնամությունից հետո Վոդոնաեւան եւ Բոնյան հաշտվել են

14:11   22 նոյեմբերի, 2021

«Դոմ 2»-ի նախկին մասնակիցներ Ալյոնա Վոդոնաեւան եւ Վիկտորյա Բոնյան, որոնք նախագծի ընթացքում վիճել էին եւ 15 տարի շարունակ միմյանց դեմ լուռ պատերազմ են վարել, հանկարծակի հաշտվել են։

Վոդոնաեւան եւ Բոնյան հանդիպել են մոսկովյան միջոցառումներից մեկի ընթացքում եւ ջերմորեն ողջունել միմյանց՝ զարմացնելով շատերին։ «Տարվա վերամիավորումը։ Ես փշաքաղվում եմ»,- նշել է Վիկտորյա Բոնյան։ Ալյոնա Վոդոնաեւն հանդիպումը լեգենդար է անվանել՝ հավելելով, որ իրենք չէին հանդիպել 15 տարի։

View this post on Instagram

A post shared by Volkov Dmitry (@volkovdima)

5-tv.ru-ն հիշեցնում է, որ նրանց միջեւ թշնամությունը սկսվել է դեռ «Դոմ 2» նախագծին մասնակցելու տարիներին․ երկուսն էլ հանդիպում էին նույն տղայի՝ Ստեփան Մենշիկովի հետ։ Նրանք մրցակցում էին, Ինստագրամում խայթոցներ ուղղում միմյանց հասցեին, լրագրողներն ու հանրությունը մշտապես համեմատում էին նրանց։

Սակայն այժմ արդեն թշնամության համար պատճառ չկա․ երկուսն էլ կայացել են թե մասնագիտական, թե անձնային իմաստով։ Այժմ արդեն ընկերություն անելն առավել օգտակար կլինի, այնպես որ հաշտեցումն, ամենայն հավանականությամբ, անկեղծ է եղել։

 



© NEWS.am STYLE