Երեխայի հորից բաժանվելու լուրերի ֆոնին․ Ռավշանա Կուրկովան հրապարակել է հայ որդու լուսանկարները

Ռուս դերասանուհի Ռավշանա Կուրկովան ինստագրամյան էջում հրապարակել է մեկամյա որդու՝ Գասպար Ամարյանի բացառիկ լուսանկարները։

«Այս կես տարվա ընթացքում Գասպարն աջակցել է մայրիկին նկարահանումների ընթացքում եւ մեր թիմին անմիջապես ստիպել է սիրահարվել իրեն»,- լուսանկարը մակագրել է հայտնի դերասանուհին՝ հրապարակումն ուղեկցելով «ամենը հանուն այդ ժպիտի» եւ «մայրիկի երջանկությունը» հեշթեգերով։

Լուսանկարներից մեկում փոքրիկը նստած է մայրիկի գրկում եւ ձեռքին խաղալիք տրակտոր է, մյուսում դերասանուհին ու որդին հեռուն են նայում, երրորդում նրանք պատկերված են մեքենայում եւ միմյանց են նայում։

Փոքրիկի նոր լուսանկարները հրապարակվել են լուրերի ֆոնին, որ Ռավշանան բաժանվել է երեխայի հորից՝ Սերգեյ Ամարյանից։ «Только никому...» տելեգրամյան ալիքի հեղինակները պնդում են, որ Ամարյանը սկսել է հանդիպել «Cream Soda» խմբի երգչուհի Աննա Ռոմանովսկայայի մտերիմ ընկերուհու հետ։

Ըստ Grazia-ի նյութերի