Ռիհաննան եւ A$AP Rocky-ն երեխայի են սպասում․ լրատվամիջոց (ֆոտո)
16:19 1 դեկտեմբերի, 2021Նոյեմբերի 30-ին երգչուհի Ռիհաննան Բարբադոսի ազգային հերոս է դարձել, սակայն լուրջ քննարկման առարկա է դարձել պարգեւատրման արարողության ընթացքում նրա փոխված կազմվածքը։ Լրատվամիջոցները սկսել են անմիջապես գրել այն մասին, որ արտիստն ու A$AP Rocky-ն երեխայի են սպասում։
Տաբլոդիները նաեւ ուշադրություն են դարձել, որ երգչուհու վաղեմի ընկերուհի Մելիսա Ֆորդը հավանել է Ռիհաննայի հղիության մասին հրապարակումը։ Նա ավելի ուշ ասել է, որ դա պատահաբար է արել, երբ անսթափ վիճակում դիտելիս է եղել լրահոսը։
«Դուք այս կերպ ցանկանում եք ինձ վատ դրության մե՞ջ դնել։ Դուք գիտեք, որ ես նրանց հետ այդպես չեմ վարվի։ Ոչինչ տեղի չի ունեցել, ցրվեք»,- The-flow.ru-ն մեջբերել է Ֆորդի խոսքերը։
Այն մասին, որ Rocky-ն եւ Ռիհաննան հանդիպում են, սկսել են խոսել նախորդ աշնանը։ Հոկտեմբերին համացանցում հրապարակվեց նրանց համբույրը պատկերող լուսանկարը, որն արվել էր Բարբադոսում։
Լուսանկարները՝ REUTERS/Toby Melville/Pool