Բիլի Այլիշը դարձել է PETA-ի տարվա դեմքը
12:14 2 դեկտեմբերի, 2021Ամերիկացի երգչուհի Բիլի Այլիշը ճանաչվել է PETA (Մարդիկ՝ հանուն կենդանիների հետ էթիկական վերաբերմունքի) կազմակերպության «Տարվա մարդ 2021»։ 19-ամա երգչուհին դարձել է պատմության ընթացքում այդ մրցանակի ամենաերիտասարդ դափնեկիրը։ Նախկինում PETA-ն այդ կոչմանն է արժանացրել Հոակին Ֆենիքիսն, Օփրա Ուինֆրրին, Անժելիկա Հյուսթոնին, Հռոմի Ֆրանցիսկոս պապին եւ այլոց։
Բիլին վեգանական հայցքներ ունի եւ դրանք քարոզում է հրապարակային ձեւով։ Նա համաձայնել է Met Gala 2021-ին արհեստական մետաքսից պատրաստված Oscar de la Renta-ի զգեստը կրել միայն այն պայմանով, որ ապրանքանիշն արտադրության ընթացքում կհրաժարվի մորթու օգտագործումից։ Բացի այդ՝ լինելով միջոցառման համակարգողներից մեկը՝ նա հասել էր նրան, որ ճաշկերույթի ընթացքում միայն վեգանական ճաշատեսակներ են մատուցվել։ Nike-ի համար Air Jordan սպորտային կոշիկների նրա հավաքածուն եւս 100 տոկոսով պատրաստված էր վեգանական կաշուց, իսկ նրա առաջին օծանելիքը՝ «Eilish», կենդանական ծագման բաղադրիչներ չի պարունակում, հետեւաբար չի փորձարկվում կենդանիների վրա։
«Բիլի Այլիշը հոգ է տանում մսամթերքին եւ կաթնամթերքին, ինչպես նաեւ կաշվի, մորթու եւ մետաքսի օգտագործմանը վերջ տալու մասին։ PETA-ն ուրախ է նշել, որ նա օգտագործել է ցանկացած հնարավորություն՝ ցույց տալու համար, որ վեգանական նորաձեւությունն ու ուտելքն առավել բարյացակամ են մոլորակի կենդանիների նկատմամբ, որը մենք կիսում ենք դրանց հետ»,- ասված է PETA-ի նախագահ Ինգրիդ Նյուքիրքը։
Աղբյուրը՝ Intermedia