Ռիդլի Սքոթը երեք անգամ հայհոյել է կինոքննադատ Անտոն Դոլինին

Համացանցում է հայտնվել «Искусство кино» ամսագրի գլխավոր խմբագիր, կինոքննադատ Անտոն Դոլինի եւ հոլիվուդյան հայտնի կինոռեժիսոր Ռիդլի Սքոթի զրույցից մի հատված: Լրագրողի հարցերից մեկից հետո Սքոթը հայհոյել է Դոլինի, հաղորդում է «Говорит Москва» ռադիոկայանը:

Ռեժիսորը չի համաձայնել, որ Դոլինն իր «Վերջին մենամարտ» ֆիլմը համեմատել է «Երկնքի արքայության» հետ։

«Sir, f...k you» (խմբագրի նկատառում), - Սքոթը պատասխանել է Դոլինին։

Դոլինն ավելի ուշ Facebook-ի իր էջում գրել է, որ հայտնի ռեժիսորն այդ արձագանքի համար պատճառ է ունեցել։

Ավելի վաղ Սքոթը միլենիալներին մեղադրել էր, որ իր «Վերջին մենամարտ» ֆիլմը ձախողվել է վարձույթում: Մեթ Դեյմոնի, Ադամ Դրայվերի, Ջոդի Քոմերի եւ Բեն Աֆլեքի մասնակցությամբ ֆիլմը վարձույթում հավաքել է 27 մլն դոլար՝ 100 մլն դոլար բյուջեով:

Աղբյուրը՝ Gazeta.ru